Սբ. Դանիել Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Դանիել Եկեղեցի

Թուրքիա / Վան / Հայոց Ձոր / Կղզի

Պատմություն

Հիմնադրման ժամանակն անհայտ է, բայց դա տեղի է ունեցել մինչև 1489 թ., քանի որ նշյալ թվականին արդեն գոյություն ունեցող եկեղեցուն նվիրաբերվում է ձեռագիր Մաշտոց. «...ի յաստուածապահ գօղս Կըզին, ի դուռն սուրբ Դանիէլի...»: Երկար ընդմիջումից հետո` 1855 թ., հիշվում է միևնույն, իսկ 1860-ական թթ.` նաև Սբ. Աստվածածին անվամբ. «...ունի ընդարձակ կամարաշէն եկեղեցի մը յանուն սուրբ Աստուածածնայ կառուցուած, 40 կանգուն բարձրութեամբ, 40 կանգուն լայնութեամբ...»:

ԺԵ դարի հայերեն ձեռագրերի հիշատակարաններ, մասն Գ, Երևան, 1967, էջ 132: Հայաստանի ազգային դիվան, ֆ. 468, ց. 1, գ. 3, թ. 1: Բազեան Յ., Համառօտ ստորագրութիւն Հայկաձոր եւ Ոստան գաւառաց, «Սիօն», 1869, էջ 251: Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 141:

Եկեղեցին Համիդյան ջարդի օրերին կողոպտվում է, Մեծ եղեռնի ժամանակ` հրո ճարակ դառնում և ավերակվում, իսկ 1920-ական թթ.-ից հետո` հիմնահատակ քանդվում:

«Արարատ», 1896, Բ, էջ 88: Վշտապատում. Հայոց Մեծ եղեռնը ականատեսների աչքերով, Երևան, 2005, էջ 63: Տե՛ս նաև Հայոց ցեղասպանությունը Օսմանյան Թուրքիայում. վերապրածների վկայություններ, հ. 1, Երևան, 2012, էջ 168: Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 141: