Խնդրիշեն Գյուղատեղի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Խնդրիշեն Գյուղատեղի

Թուրքիա / Վան / Հայոց Ձոր / Մժնկերտ Ներքին

Տեղադրություն

Գտնվում է Ներքին Մժնկերտից 4,1 կմ հյուսիս-արևմուտք և փռված է գրեթե ցամաքած մի աղբյուրի հարևանությամբ բլրաշարերով շրջապատված, իսկ այժմ արդեն չոր ու ամայի գոգավոր վայրում:

Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 171:

Պատմություն

Գյուղատեղիի մասին եզակի վկայությունը պահպանվել է Ոչխարանց գյուղի գերեզմանոցում` գյուղավագ Հովհաննեսի հիշատակին 1594 թ. կանգնեցված խաչքարին:

Արձանագրությունը տե՛ս (Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 185) Ոչխարանց գյուղի բաժնում: Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 171:

Գյուղատեղիի տարածքում, բացի հազիվ նշմարվող տնատեղերից, պահպանվել են նաև արդեն տասնամյակներ անդադրում գանձախուզության հետևանքով տակնուվրա արված միջնադարյան գերեզմանոցի մնացորդները: Այստեղ դեռևս առկա են մեծ մասամբ տեղահան, ինչպես նաև կոտրատված պարզ կամ նույնիսկ պարզունակ գեղարվեստական լուծումներով ակներևաբար ԺԴ-ԺԸ դարերին բնորոշ ավելի քան 50 խաչքարեր: Երկար պրպտումներից հետո տեղում 2014 թ. գտնվեց միայն բեկորված արձանագիր մեկ խաչքար` 1450 թվագրությամբ:

Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 171:

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ

Գյուղամերձ Խնդրիշեն գյուղատեղին