Սբ. Ստեփանոս Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Ստեփանոս Եկեղեցի

Թուրքիա / Վան / Հայոց Ձոր / Նորգյուղ

Պատմություն

Նորգյուղի քարաշեն Սբ. Ստեփանոս եկեղեցու հիմնադրման ժամանակն անհայտ է, սակայն գոյություն է ունեցել առաջին` 1648 թ. հիշատակությունից գուցեև դարեր առաջ: Հայտնի է, որ 1648 թ. ապրիլի 2-ին երկրաշարժի հետևանքով «Նորագեղի եկեղեցին մէկ արտաչափ յիւր տեղւոյն ի բաց ոստեալ հեռացաւ և ապա փլաւ...»:

Առաքել Դաւրիժեցի, Գիրք պատմութեանց, Երևան, 1990, էջ 379: Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 182:

Նկարագրություն

Եղել է «...կամարաշէն տաճար մը և փայտեայ դարպասով զարդարուած ըստ բաւականին եկեղեցական զարդերով զարդարուած...»:

Բազեան Յ., Համառօտ ստորագրութիւն Հայկաձոր եւ Ոստան գաւառաց, «Սիօն», 1870, էջ 21: Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 182:

1883 թ. հիշվում է որպես 150 տարվա շինություն: Սրանից հետևում է, որ 1733 թ. հիմնավերակառուցվել է:

Միրախորեան Մ., Նկարագրական ուղեւորութիւն հայաբնակ գաւառս Արեւելեան Տաճկաստանի, մասն Ա, Կ.Պօլիս, 1884, էջ 158: Սամվել Կարապետյան, Հայաստանի պատմություն, հ. Ա, Հայոց Ձոր, Երևան, 2015, էջ 182:

Մինչև 1915 թ. ապրիլը գործում էր, որից հետո թալանվում է և ավերվում, իսկ 1940-50-ական թթ.` հիմնահատակ քանդվում: