Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի

Իրան / Արևմտյան Ատրպատական / Սալմաստ / Այան

Պատմություն

Կառուցումը վերագրվել է 1781 թ., սակայն առաջին հիշատակություններից մեկը 1864 թ.-ից է:

Պալունի., Նամակ Պարսկաստանից, «Նոր-Դար», 1896, N 216, 10 դեկտեմբերի, էջ 3: Հայաստանի ազգային դիվան, ֆ. 429, ց. 1, գ. 100, թ. 102: Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 104:

Քահանա

Սակավաբնակ լինելով՝ հիմնականում զուրկ է եղել սեփական քահանայից. այդ բացը լրացրել է Խոսրովայից երբեմն-երբեմն գյուղ այցելած քահանան:

Աթայեան Ա., Սալմաստ, Նոր Ջուղա, 1906, էջ 51: Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 105:

Նկարագրություն

1890 թ. հիշվում է որպես փայտածածկ մի մատուռ, իսկ 1896 թ.՝ հողաշեն եկեղեցի՝ Սբ. Աստվածածին անվամբ:

Գորոյեանց Ն., Պարսկաստանի հայերը, Թեհրան, 1968, էջ 183-184: Պալունի., Նամակ Պարսկաստանից, «Նոր-Դար», 1896, N 216, 10 դեկտեմբերի, էջ 3: Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 104:

Հիշատակվում է նաև 1905 թ.:

Նիւթեր Հ. Յ. Դաշնակցութեան պատմութեան համար, հ. Դ, Պէյրութ, 1982, էջ 267: Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 104:

Ի դեպ, Այանի եկեղեցում ոչ միայն զանգահարությունն էր արգելված, այլև նույնիսկ կոչնակ գործածելը («տախտակ խփելը»):

Աթայեան Ա., Սալմաստ, Նոր Ջուղա, 1906, էջ 51: Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 105:

2011 թ. պարզվեց, որ գյուղի հյուսիսարևելյան եզրին (N 38'13՛44.91՛՛; E 044'42՛03.08՛՛)՝ փոքրիկ ծառաստանի ներքո գտնվող և գոմի վերածված եկեղեցուց պահպանվել էին հում աղյուսով շարված հատկապես հյուսիսային և հարավային որմերի որոշ հատվածներ (արտաքին չափերն են` 15,90 x 9,50 մ):

Սամվել Կարապետյան, Հայաստանի պատմություն, Սալմաստ, հ. Բ, Երևան, 2017, էջ 105:

Հեղինակը Սամվել Կարապետյան
Տարեթիվ 2011 թ․

Տեսակը Չափագրություն
Հեղինակը Աշոտ Հակոբյան
Աղբյուրը Գծագիր
Տարեթիվ 2011 թ․