Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի 1914 թ․

Ադրբեջան / Հյուսիսային Արցախ / Խանլար / Խաչակապ-Արմավիր

Պատմություն
1896 թ․

1896 թ., երբ արդեն պատրաստ էր կառուցվելիք եկեղեցու նախագիծն ու նախահաշիվը հոգաբարձուները նշել էին, որ «...բացի քարուկիրն երեք հազար րուբլի փող է հարկաւոր որ շինենք, հազիւ հազ կարող ենք այդ հոգսն քաշել...»: Նախագիծն ամբողջությամբ արժեր 3096 ռուբ. 4 կոպ.:

Հայաստանի ազգային արխիվ, ֆ. 53, ց. 1, գ. 3340, թ. 7, 29:
Սամվել Կարապետյան, Հյուսիսային Արցախ, Երևան, 2004, էջ 366:

Եկեղեցու կառուցման համար անհրաժեշտ էր բավականաչափ ժամանակ, բայց ձգձգումը առնչվել էր ոչ թե շինարարական խնդիրների, այլ եկեղեցի կառուցելու թույլտվություն ստանալու հարցի հետ, քանի որ գյուղը, նորահիմն լինելով, կառավարությունը դեռևս համապատասխան գրանցում և կարգավիճակ չէր ապահովել. «...ծանուցանել ժողովրդեան այնր գեղջ, եթէ կառուցումն եկեղեցւոյ ոչ թոյլատրի, քանզի օրինասահման թոյլտւութիւն վասն հիմնարկելոյ զգիւղն Նորաշէն-Խաչակապ ցարդ չէ եղեալ ի կողմանէ պատշաճաւոր իշխանութեան»:

Հայաստանի ազգային արխիվ, ֆ. 56, ց. 1, գ. 9524, թ. 11:
Սամվել Կարապետյան, Հյուսիսային Արցախ, Երևան, 2004, էջ 367:

1903 թ․

Հայտնի է, որ եկեղեցու կառուցման թույլտվությունը տրվել է 1903 թ-ից հետո:

Հայաստանի ազգային արխիվ, ֆ. 56, ց. 1, գ. 9524, թ. 9:
Սամվել Կարապետյան, Հյուսիսային Արցախ, Երևան, 2004, էջ 367:

1914 թ․

Նորակառույց եկեղեցին թեմի առաջնորդ Լևոն եպիսկոպոսը օծել է միայն 1914 թ.:

Հայաստանի ազգային արխիվ, ֆ. 409, ց. 1, գ. 2644, թ. 22:
Սամվել Կարապետյան, Հյուսիսային Արցախ, Երևան, 2004, էջ 367:

1928 թ․

Եկեղեցին փակվել է խորհրդային իշխանությունների կարգադրությամբ 1928 թ.:

Հայաստանի ազգային արխիվ, ֆ. 409, ց. 1, գ. 2658, թ. 12:
Սամվել Կարապետյան, Հյուսիսային Արցախ, Երևան, 2004, էջ 367:

Տեսակը Նախագիծ
Տեսքը արտաքին
Աղբյուրը Գծագիր

Կառուցվելիք եկեղեցու նախագիծը (1896 թ.)