Ջրաղաց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Ջրաղաց

Ադրբեջան / Հյուսիսային Արցախ / Կասում-Իսմայիլով / Ղարադաղլու

Պատմություն

Ինչ վերաբերում է ջրաղացին, ապա դրա հռչակը, հիրավի, մեծ է եղել ու մշտապես գրավել է տեղագիր հեղինակների ուշադրությունը. «Գիւղիս մօտն է Տփխիսեցի պ. Հախվերդեանցի հոյակապ ջրաղացը մեծամեծ շինութիւններով և եւրոպական մեքենաներով, որ, ինչպէս ասում են, օրական 500 փութ ալիւր է պատրաստում»:

«Արձագանք», 1886, N 19, էջ 280:
Սամվել Կարապետյան, Հյուսիսային Արցախ, Երևան, 2004, էջ 429:

1899 թ․

1899 թ. հաղորդման մեջ էլ ջրաղացատեր է հիշվում դարձյալ թիֆլիսեցի ոմն Ն. Փրիդոնյանցը և ընկերությունը:

«Նոր-Դար», 1899, N 85, էջ 2:
Սամվել Կարապետյան, Հյուսիսային Արցախ, Երևան, 2004, էջ 429:

1905 թ․

1905 թ. նոյեմբերին, թուրք ելուզակներն այս ջրաղացում սպանել էին երկու հայի. «Նոյեմբերի 17-ին Ղարադաղլուից կէս վերստ հեռաւորութեան վրա գտնւող Ֆրիդօնովի ջրաղացում սպանւեցին ջրաղացի կառավարիչը և մէկ ուրիշ հայ»: