Հեռի (Հեռու) Աղբյուր :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Հեռի (Հեռու) Աղբյուր 1913 թ․

ԼՂՀ / Հադրութ / Քյուրաթաղ

Տեղադրություն

Գտնվում է գյուղի հարավարևմտյան եզրին (N 39.573828; E 47.049458, ծ. մ.՝ 713 մ):

Էմմա Աբրահամյան, Քյուրաթաղ, «Վարձք», 2022, N 17, էջ 64:

Ճարտարապետություն

Աղբյուրն ունի պարզ կառուցվածք: Ակը բացված է ոչ այնքան բարձր լայնակի պատի մեջ, որին աջ կողմից կից է երկայնական հենապատը՝ բազմակտոր նովի ամբողջականությունը պահպանելու նպատակով: Հենապատի՝ ակին մոտ հատվածում բացված է ուղղահայաց դիրքով միմյանց զուգահեռ ուղղանկյուն երկու խորշ: Նովի եզրին՝ ակի հանդեպ, առկա է նեղ ջրհոս-փողրակ, որի շնորհիվ կարգավորվում է ջրի մշտական մակարդակը: Շինարարական արձանագրությամբ քարը տեղադրված է ակից վեր՝ ամենաերևացող տեղում: Վերջինս և նովի ճակատային քարերը սրբատաշ են, իսկ մնացած հատվածներն անմշակ և կոպտատաշ քարից են՝ կրաշաղախի միացությամբ:

Էմմա Աբրահամյան, Քյուրաթաղ, «Վարձք», 2022, N 17, էջ 64:

Արձանագրություն, Հայերեն, Փորագիր, Շինարարական 1913 թ․

Արձանագրություն. փորագիր 4 տող.

Աղբուրս շ(ի)նէ|ցին Ճիւրաթա|ղա ժողովուրդ | թ(վին) 1913: Վար(պետ)՝ Ի. Բ. Ա. Բ.: