Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի 1816 թ․

Ադրբեջան / Հյուսիսային Արցախ / Շամխոր / Գառնակեր

Պատմություն
19 դ․

Բարեբախտաբար, եկեղեցու շինարարական արձանագրությունը, որը փորագրված է եղել գավթի հյուսիսային պատին, ԺԹ դարավերջին ընդօրինակվել և հրատարակվել է. պարզվում է, որ եկեղեցին հիմնադրվել է 1816 թ. Հովհաննես վարդապետի և մահտեսի Հովհաննեսի կողմից:

Սամվել Կարապետյան, Հյուսիսային Արցախ, Երեւան, 2004, էջ 482-483:

Ճարտարապետություն

Եկեղեցին 10,7 x 8 մ արտաքին չափերով միանավ բազիլիկ, թաղակապ շենք է՝ արևելքում մեկական ուղղանկյուն հատակագծով, թաղակապ ավանդատներով: Կառույցի առանձնահատկությունն այն է, որ հյուսիսային ավանդատունն իր ծավալով դուրս է եկել եկեղեցու հիմնական մակերեսից: Եկեղեցու միակ մուտքն արևմտյան ճակատից է: Ներքուստ եղել է սվաղված, որի վրա նկատելի են որմնանկարների հետքեր (հիմնականում՝ խորանի որմերին): Կառուցված է անմշակ քարով, կրաշաղախով: Ընդ որում, շարվածքում օգտագործված են նաև փոքրաչափ գեղաքանդակ խաչքարեր, որոնցից մեկը հարմարեցվել է որպես հարավային պատուհանի շրջանակ: Նրանից պահպանվել է միայն եզրագոտին:

Սամվել Կարապետյան, Հյուսիսային Արցախ, Երեւան, 2004, էջ 484:

Արձանագրություն, Հայերեն, Փորագիր, Շինարարական 1816 թ․

Շնորհիւ Աստուծոյ շինեցաւ սուրբ Միքայէլ և Գաբրիէլս ձեռամբ Յովհաննէս վարդապետի եւ մահտեսի Յովհաննէսի հանդերձ միաբան եղբարք. թվ(ին) ՌՄԿԵ (1816):
Հրատ. Ջալալեանց Ս., Ճանապարհորդութիւն ի Մեծն Հայաստան, մասն Ա, Տփղիս, 1842, էջ 163: Նաև՝ «Արձագանք», 1886, N 21, էջ 308: Բարխուտարեանց Մ., Արցախ, Բագու, 1895, էջ 316:
Ծանոթ. Ջալալյանցի մոտ տարեթիվը՝ «ՌԿԵ» (1616):

Սամվել Կարապետյան, Հյուսիսային Արցախ, Երևան, 2004, էջ 483:

Տեսակը Լուսանկար
Տեսքը արտաքին
Ուղղությունը ⇖ Հյուսիս-արևմուտքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1980 — 1982 թթ․

Տեսակը Լուսանկար
Տեսքը արտաքին
Ուղղությունը ⇙ Հարավ-արևմուտքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1980 — 1982 թթ․

Տեսակը Լուսանկար
Տեսքը արտաքին
Ուղղությունը ⇐ Արևմուտքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1980 — 1982 թթ․

Տեսակը Չափագրություն
Տեսքը արտաքին
Հեղինակը Սամվել Կարապետյան
Աղբյուրը Գծագիր

Հրեշտակապետաց վանքի եկեղեցու հատակագիծը