Հնավայր :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Հնավայր

Ադրբեջան / Հյուսիսային Արցախ / Շամխոր / Բադա

Տեղադրություն

Մեկ այլ հնավայր էլ գտնվել է գյուղից արևմուտք՝ Քամանդար տանող ձորում: Դրա վերաբերյալ 1890 թ. ականատեսը նշել է. «Մեզ բաժանում էր մի անդնդանման ձոր և այդ ձորամասը կոչվում էր Խազնիձոր, ահա թէ ընչի՞. երեք քույր միասին հուն քաղելիս նկատել են արծաթե մի քանի դրամ, հետաքրքիր որոնել են ու բավական ժողովել, գնացել են տանը իմաց տվել, գեղացիք եկել են ձորի ներքևից արծաթի փողերի հետքը բռնած բարձրացել բավական վերև ու գտել փողի պահեստը: Գաջ ու կրի չորս պատի մէջ, հանել են բաժանել, կամ ով շատ հավաքած է լինում, փախցնում է: Մոտակայքում դոլղա են գտնում արծաթե դրամներով լիք-բոլորը տաճկական սիկելա: Նրանից գեղի մարդ, թե կնիկ ուղտավորի պէս եկել, փնտրել են, ոչինչ չեն գտել: Մի քանի չարկամ անձինք, որոնց բաժին չի ընկել, իմացրել են թուրք պրիստավին. սա եկել խուզարկել է և 5 գրվանքա արծաթ է ստացել»:

Եղիշե Չարենցի անվան գրականության և արվեստի թանգարան, Ս. Քամալյանի ֆոնդ, տետր 1, VI-11, թ. 7:
Սամվել Կարապետյան, Հյուսիսային Արցախ, Երեւան, 2004, էջ 467: