Գերեզմանոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Գերեզմանոց

Թուրքիա / Վան / Արծկե / Առեն

Տեղադրություն

2006 թ. գյուղաբնակ քրդերն Առենի սահմաններում մատնացույց արեցին հիմնովին ավերված հայոց երկու գերեզմանոցների տեղը: Առաջինը գտնվում էր գյուղի կենտրոնական մասում (N 38Ե48՛55.62՛՛, E 043Ե01՛15.72՛՛), իսկ երկրորդը՝ հարավային եզրին (N 38Ե49՛06.06՛՛, E 043Ե01՛08.94՛՛): Ի դեպ, վերջինս թռուցիկ հիշվում է 1915 թ. դեպքերի առնչությամբ. «Գյուղը պաշտպանող խմբերից մեկը դիրքավորվել էր գյուղի եզրին` փոքրիկ բարձրության վրա գտնվող գերեզմանատանը»:

Հուշագրական ժառանգություն, էջ 17:
Սամվել Կարապետյան, Հայաստանի պատմություն, հ. Գ, Արծկե, Երևան, 2018, էջ 63:

Պատմություն

Գերեզմանական հարյուրավոր հուշարձաններ եզակի բացառություններով հափշտակվել և յուրացվել են որպես շինանյութ, որի հետևանքով ամբողջական կամ բեկորված խաչքարերի բազմաթիվ նմուշների կարելի է հանդիպել հատկապես գյուղի կենտրոնական հատվածի բնակելի և տնտեսական նշանակության զանազան կառույցների որմերում:

Սամվել Կարապետյան, Հայաստանի պատմություն, հ. Գ, Արծկե, Երևան, 2018, էջ 63:

Ժամանակագրական առումով պահպանված խաչքարերը (թեկուզ շինանյութի կարգավիճակում) վերաբերում են ԺԲ-ԺԸ դարերին: Սակավաթիվ արձանագիրներից մի քանիսը թվակիր են՝ 1274 (տապանաքար), 1332, 1454, 1532 (խաչքարեր):