Երմողիա քահանայի Վանք :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Երմողիա քահանայի Վանք

Ադրբեջան / Հյուսիսային Արցախ / Խանլար / Ազատ (Նոր Ազատ)

Տեղադրություն

Գտնվում է Ազատ գյուղից 2 կմ արևմուտք՝ Սուլուկնաձորի ձախ հարավահայաց կողմում:

Սամվել Կարապետյան, Հյուսիսային Արցախ, Երեւան, 2004, էջ 315:

Պատմություն
1987 թ․

Մեր այցելության ժամանակ (1987) փլատակների մեջ նկատելի էին միայն մի քանի տեղահան ու կոտրատված խաչքարեր:

Սամվել Կարապետյան, Հյուսիսային Արցախ, Երեւան, 2004, էջ 315:

Նկարագրություն
1891 թ․

Մինչդեռ 1891 թ. փլված է եղել միայն թաղածածկ տանիքը. «...շինուած է հնուց անտաշ քարով, խոնարհուած է գլուխն, մնում են այժմ միայն չորս պատերն»: Մինչև իսկ իր տեղում է եղել դռնագլխի քարը՝ բարավորը՝ արժեքավոր արձանագրությամբ:

Բարխուտարեանց Մ., Արցախ, Բագու, 1895, էջ 270:
Սամվել Կարապետյան, Հյուսիսային Արցախ, Երևան, 2004, էջ 315:

Արձանագրություն, Հայերեն, Փորագիր, Շինարարական 1279 թ․

Բարավորի արձանագրությունը.
Թիւն ՉԻԸ (1279), ես Մխիթար ու Տիրածէր շինեցաք զեկեղեցիս ի հայրապետութեան Տէր ըՍտեփաննոսի Աղուանից կաթողիկոսի:
Հրատ. Բարխուտարեանց Մ., Արցախ, Բագու, 1895, էջ 270: Լալայեան Ե., Գանձակի գաւառ, «Ազգագրական հանդէս», Թիֆլիս, 1899, N 1, էջ 317: «Դիվան հայ վիմագրության», պր. V, կազմեց Բարխուդարյան Ս., Երեւան, 1982, էջ 247:

Սամվել Կարապետյան, Հյուսիսային Արցախ, Երևան, 2004, էջ 315:

Արձանագրություն, Հայերեն, Փորագիր, Շինարարական

Երմողիա քահանայի վանք. «Փոքր ինչ վերև դռնագլխից».
Ապաղայ Ելչ խանին ու Խարայնախին Աւառս լեղով շինեցի զեկեղեցիս:
Հրատ. Բարխուտարեանց Մ., Արցախ, Բագու, 1895, էջ 270: Լալայեան Ե., Գանձակի գաւառ, «Ազգագրական հանդէս», Թիֆլիս, 1899, N 1, էջ 318:

Սամվել Կարապետյան, Հյուսիսային Արցախ, Երևան, 2004, էջ 315:

Արձանագրություն, Հայերեն, Փորագիր, Հիշատակագրություն

Երմողիա քահանայի վանք. «Մատրանս մէջ կայ մի հանգիստ, որի շիրմաքարն կոտրուած է միջից, կտորները միմեանց մօտ բերելով՝ կարդացինք հետևեալը».
Այս է հանգիստ Սայի որդի Հասանայ փեսայիս:
Հրատ. Բարխուտարեանց Մ., Արցախ, Բագու, 1895, էջ 270:

Սամվել Կարապետյան, Հյուսիսային Արցախ, Երևան, 2004, էջ 315:

Անվանում	Հիշ. ժամանակը	Ստուգաբանություն
Սուլուքի անապատ