Ռուսական զորանոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Ռուսական զորանոց 1855 թ․

Ադրբեջան / Հյուսիսային Արցախ / Խանլար / Ոսկանապատ

Պատմություն
1855 թ․

Հայտնի է, որ 1855 թ. Ոսկանապատի մոտ տեղակայվել է ռուսական մի զորագունդ. «...մահմեդական մարզերին հետևելու համար Ելիսավետոպոլին մոտ՝ Զուռնաբադում գեներալ-մայոր Չապլիցի հրամանատարության ներքո հիմնվեց Մինգրելյան գնդի երեք բատալիոնից բաղկացած հրետանավորների ջոկատ և կազակների հարյուրյակ...»:

Муравьева Н. Н., Война за Кавказом в 1855 году, том 1, часть первая, СПБ, 1877, с. 26 (բնագրում՝ “...Для наблюдения за мусульманскими провинциями, поставлен был в Зурнабаде, что близ Елисаветполя, под командою ген. майора Чаплица отряд, состоявший из трех баталионов Мингрельскаго полка с артилерия и сотнея казаков...”).
Սամվել Կարապետյան, Հյուսիսային Արցախ, Երևան, 2004, էջ 408-409:

1880 թ․

Ի դեպ, 1880-ական թվականներին ծրագրվել էր զորքերի հեռանալու դեպքում զորանոցը վերափոխել հիվանդանոցի. «Մուռուտի և Ոսկանապատի մէջ տեղում Գանձակ գետի ձախ ափին է Զուռնապատ զօրանոցն ռուսաց, ընդարձակ շէնքերով, որն ինչպէս ասացին, բժշկապետ Ռեմերտը կամենում է դարձնել կովկասեան խելագարների հիւանդանոց, եթէ զօրքերը թողնեն այդ տեղը»: