Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի

Ադրբեջան / Հյուսիսային Արցախ / Գետաբեկ / Դայա-Ղարաբուլաղ

Պատմություն
19 թ․

Տանձուտ գյուղատեղիի տարածքում ԺԹ դարավերջին պահպանվում էր եկեղեցին:

Սամվել Կարապետյան, Հյուսիսային Արցախ, Երեւան, 2004, էջ 80:

Նկարագրություն

Իր չափերով բավականին ընդարձակ էր եկեղեցին. «...Այս կամրջի մօտ կայ մի բաւական մեծադիր եկեղեցի, որի մի կողմի պատը և տանիքի մեծ մասը թափուած են, իսկ միւս մասերը վեց սների վրայ ամրացած դեռ մնում են, մնում է ամբողջութեամբ և աւազանը»:

Սմբատ Մ., Հնութիւններ Գետաբէկի շրջակայքում, «Նոր-Դար», 1893, N 36, էջ 3:
Սամվել Կարապետյան, Հյուսիսային Արցախ, Երևան, 2004, էջ 80:

Նույն տարիներին հնավայր այցելած Մ. Բարխուտարյանցը թողել է առավել փաստալից նկարագրություն. «Խիստ ընդարձակ է գիւղիս աւերակն և հանգստարան. ևս առաւել եկեղեցին, որ հիացնում է այցելուները իւր հոյակապ շինութեամբ և մեծութեամբ: Կառուցեալ է վեց սիւների վերայ. ունի երկու փոքր և մի աւագ խորան, երկու գեղեցիկ խորհրդարան, երկու դուռն հարաւից և հիւսիսից. 27 մետր երկարութիւն, 15 մետր 60 սանթիմ լայնութիւն: Այժմ խոնարհուած է աւագ խորանն, ձախակողմեան դասի կամարով միասին և փոքր ինչ տեղ տաճարիս արևմտեան հիւսիսային անկիւնից (ձեղունից). չունի արձանագրութիւն»: