Ազիզանք Գյուղատեղի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Ազիզանք Գյուղատեղի

Ադրբեջան / Հյուսիսային Արցախ / Գետաբեկ / Ղոշաբուլաղ

Տեղադրություն

Գտնվում է Կորխ գյուղից 3 կմ հյուսիս-արևելք:

Սամվել Կարապետյան, Հյուսիսային Արցախ, Երեւան, 2004, էջ 87:

Նկարագրություն
1770 թ․

Հայաթափ է եղել 1770-ական թվականներին, և, ինչպես նշել է հնավայրը հետազոտած Ս. Քամալյանը, գյուղի բնակիչները հաստատվել էին Շուլավերում. «Ձիաները նստեցինք, Օջաղ ղուլի բենատեղից դեպ արևելք ճամբեն գնում էր Ազիզանց գեղատեղի վրա, որ ավերակ է, բակեր ունի և մոտն էլ հանգստարան դեպի հանքը գնացող ճամբի ձախ կողմ. խաչքարեր կան, 1. քանդակները ջարդած, գրերը ավրած, 2. ճերմակ ընտիր քարից խաչքար կոտրտած վայրենիների ձեռքով»:

Եղիշե Չարենցի անվան գրականության և արվեստի թանգարան, Ս. Քամալյանի ֆ., տետր N 1, VI-11, թ. 12:
Սամվել Կարապետյան, Հյուսիսային Արցախ, Երևան, 2004, էջ 87-88:

Հետազոտողն այնուհետև շարունակում է. «Ազզանց գեղին թուրքերը Ազիզլու ևս ասում են, նույն տեղին հայերը Ազազանձ գեղ, իսկ թուրքերը Զադա են ասում: Շուլավեր գաղթած Քալանթարի օջաղին ժողովուրդը Ըզանք, Ըզանց տուն է ասում, արդեոք սա կրճատումն չէ՞ Ազիզանք բառի: Նույն շուլավերցիք Ազիզամեա բառը կրճատած անիծելիս ասում են Զամիա: Գուցե Շուլավերում բնակվող Քալանթարանց նախնիք գաղթել են Ազիզանց կամ Ազիզլու գեղից: Գուցէ նրանց գերդաստանի մեջ եղել է Ազիզ անունով հզոր մեկը, ժողովրդի բերանում կա այս խոսքը՝ շեկ Ազիզի օջաղը...»:

Եղիշե Չարենցի անվան գրականության և արվեստի թանգարան, Ս. Քամալյանի ֆ., տետր N 1, VI-11, թ. 13:
Սամվել Կարապետյան, Հյուսիսային Արցախ, Երևան, 2004, էջ 88:

Անվանում	Հիշ. ժամանակը	Ստուգաբանություն
Զադա
Ազիզլու
Ազազանձ
Ըզանք
Ըզանց