Վարդանյան-Գայանյան Երկսեռ դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Վարդանյան-Գայանյան Երկսեռ դպրոց

Վրաստան / Կախեթ / Թելավ / Թելավ

Պատմություն
1905 թ․

«Վարդանյան-Գայանյան» երկսեռ դպրոցները տարիներ շարունակ առանձին-առանձին գործելուց հետո՝ 1905 թ., հոգաբարձուներ Ա. Տեր-Բարսեղյանի, Մ. Վերմիշյանի, Գ. Տեր-Հարությունյանի և Ս. Տեր-Սարգսյանի գլխավորությամբ միավորվում են իբրև երկսեռ դպրոց: Դրա գոյատևման համար մեծ դեր է կատարել Սբ. Գևորգ եկեղեցու քահանա Խաչատուր Եզեկյանցը. «Շնորհիւ արիաջանութեան Խաչատուր քահանաի Եզեկեանցի, նորոգուել է տաս քարաշէն կրպակներ Թելաւի Ս. Ա(ստուա)ծածին եկեղեցու գաւթին կից, որոնց արդիւնքը ստանում է Թելաւի երկսեռ հայոց դպրոցը: Նորա աջակցութեամբ կառուցուել է դարձեալ Թելաւի Աւագ եկեղեցու գաւթում հինգ քարաշէն՝ նոր ձևի խանութներ, արդիւնքը դարձեալ ստանում է դպրոցը»:

«Արշալույս», 1905, № 45, էջ 3: Հայաստանի ազգային արխիվ, ֆ. 57, ց. 3, գ. 191, թ. 19:

«Վարդանյան-Գայանյան» երկսեռ դպրոցի գործունեության մասին առավել ամբողջական պատկերացում կազմելու նպատակով ներկայացնում ենք սույն աղյուսակը.

Թվական	Ուսուցիչ	Աշակերտ	Աշակերտուհի	Նշումներ	Աղբյուր
1905				Հոկտեմբերի 9-ին ավագ քահանա Աբել Սարգսյանցը կատարել է երկսեռ դպրոցի բացման օրհնության հանդեսը:	«Արշալոյս», 1905, № 45, էջ 3: Սամվել Կարապետյան, Հայերը Կախեթում, Երևան, 2004, էջ 72:
1907		58	143		Խուդոյան Ս., Արևելահայ դպրոցները 1830-1920 թվականներին, Երևան, 1987, էջ 554: Սամվել Կարապետյան, Հայերը Կախեթում, Երևան, 2004, էջ 72:
1909	5	32	140		Հայաստանի ազգային արխիվ, ֆ. 57, ց. 2, գ. 1849, թ. 11: Սամվել Կարապետյան, Հայերը Կախեթում, Երևան, 2004, էջ 72:
1911	5	12	107		Հայաստանի ազգային արխիվ, ֆ. 35, ց. 1, գ. 682, թ. 58: Սամվել Կարապետյան, Հայերը Կախեթում, Երևան, 2004, էջ 72:
1914		168			Խուդոյան Ս., Արևելահայ դպրոցները 1830-1920 թվականներին, Երևան, 1987, էջ 554: Սամվել Կարապետյան, Հայերը Կախեթում, Երևան, 2004, էջ 72:
1919				Գործում էր որպես գիմնազիա:	Հայաստանի ազգային արխիվ, ֆ. 207, ց. 1, գ. 48, թ. 104: Սամվել Կարապետյան, Հայերը Կախեթում, Երևան, 2004, էջ 72: