Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի

Վրաստան / Կախեթ / Թելավ / Տուրիսցիխե

Պատմություն
1808 թ․

Հասարակության միջոցներով կառուցված Սբ. Սարգիս եկեղեցում պահվող իրերից մեկի հիշատակագրությունից պարզվում է, որ այն գոյություն ուներ 1808 թ.:

Հայաստանի ազգային արխիվ, ֆ. 53, ց. 1, գ. 2569, թ. 25:

1856 թ․

1856 թ. դեկտեմբերի 24-ին եկեղեցու երեցփոխ էր կարգվել Գիգոլ Սարգսյան Քանքանյանցը: Նրա անբասիր ծառայությունը տևում է մինչև 1889 թ.: Նույն թվին թեմական իշխանությունը միջնորդում է Գ. Քանքանյանցին ստանիսլավյան ժապավենով արծաթե մեդալ շնորհելու համար, որը բավարարվում է, սակայն 1890 թ. Վրաստանի և Իմերեթիայի Հայոց կոնսիստորիայից Էջմիածնի Սինոդին հայտնել էին, որ երեցփոխը վախճանվել է:

Հայաստանի ազգային արխիվ, ֆ. 56, ց. 1, գ. 7427, թ. 14, 17, 20, 22:

1914 թ․

Եկեղեցու հաջորդ նորոգման անհրաժեշտությունը զգացվել էր տասնամյակներ անց՝ 1914 թ.: Երեցփոխ Իսահակ Հարությունյանցը նորոգման աշխատանքներ սկսելու և դրա համար եկեղեցական գումարներից 25 ռ. ծախսելու թույլտվությունն ստացել էր նույն թվականի օգոստոսի 1-ին: Ըստ երևույթին, վերանորոգման աշխատանքներին հետևել էր եկեղեցու օծման հանդեսը, որի արդյունքում եկեղեցին վերանվանվել էր Սբ. Աստվածածին: Այդ մասին է վկայում այն փաստը, որ երբ 1923 թ. ապրիլի 19-ին քանդում էին հայոց փայտաշեն եկեղեցին, այն հիշվում է Սբ. Աստվածածին անվամբ:

Հայաստանի ազգային արխիվ, ֆ. 53, ց. 1, գ. 3456, թ. 4: Հայաստանի ազգային արխիվ, ֆ. 409, ց. 1, գ. 3146, թ. 7:

Նորոգություն
1852 թ․

1852 թ. եկեղեցու փայտածածկը քայքայված էր և նորոգման անհրաժեշտություն էր զգացվում: Գյուղի հայ բնակիչները խոստացել էին դրա համար հավաքել 100 ռ.:

Հայաստանի ազգային արխիվ, ֆ. 56, ց. 1, գ. 2207, թ. 6, գ. 3166, թ. 4:

Քանդում
1923 թ․

1923 թ. ապրիլի 19-ին քանդում էին հայոց փայտաշեն եկեղեցին:

Հայաստանի ազգային արխիվ, ֆ. 409, ց. 1, գ. 3146, թ. 7:

Անվանում	Հիշ. ժամանակը	Ստուգաբանություն
Սբ. Սարգիս	1808 թ․