Սբ. Գևորգ Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Գևորգ Եկեղեցի

Վրաստան / Կախեթ / Ղվարել / Կուճատան

Տեղադրություն

Գտնվում է գյուղամիջում՝ նախկին դպրոցի տարածքում:

Սամվել Կարապետյան, Հայերը Կախեթում, Երեւան, 2004, էջ 132:

Պատմություն
1818 թ․

1818 թ. հիշվում է որպես փայտաշեն շինություն՝ կառուցված հասարակության միջոցներով:

Հայաստանի ազգային արխիվ, ֆ. 53, ց. 1 գ. 2569, թ. 30:

1840 թ․

1840 թ. վավերագրերից մեկում արդեն նշված է, որ այն քարաշեն կառույց էր: Ըստ ամենայնի՝ 1818-1840 թթ. միջակայքում կուճատանցի հայերը հին եկեղեցու փոխարեն տեղում կառուցել էին նորը: Հետագա բոլոր վավերագրերում եկեղեցին հիշվում է միևնույն անվամբ:

Հայաստանի ազգային արխիվ, ֆ. 53, ց. 1, գ. 3798, թ. 30:

Ճարտարապետություն

Եկեղեցին ցայսօր կանգուն է: Կառուցված է գլխավորապես տեղական գետաքարով ու աղյուսով, կրաշաղախով: Ունի միանավ թաղածածկ հորինվածք: Արևելյան կողմում խորանն է, որի բարձր բեմի կենտրոնում սեղանի վեմ քարն է: Արևմտյան պատը քանդված է, և դժվար է որոշել՝ այդ կողմից մուտք եղել է, թե ոչ: Լավ է պահպանված հարավային մուտքը: Ունի 4 լուսամուտ՝ բացված մեկական, յուրաքանչյուր ճակատից: Երկթեք ծածկի տակ առնված կիսաշրջանաձև թաղը ներքուստ հենված է թաղակիր մեկ կամարի վրա: Սվաղված է: Արտաքին չափերն են՝ 10,85 x 6,85 մ:

Սամվել Կարապետյան, Հայերը Կախեթում, Երեւան, 2004, էջ 132:

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1988 — 1992 թթ․

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 — 1992 թթ․