Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի 1844 — 1849 թթ․

Վրաստան / Կախեթ / Ղվարել / Ղվարել

Պատմություն
1818 թ․

Կառուցման ստույգ ժամանակը հայտնի չէ: Վավերագրերում առաջին անգամ 1818 թ. հիշատակված փայտաշեն եկեղեցին կառուցվել էր Ղազար քահանա Հարությունյանի և վելիսցիխեցի Շաքարո Մկրտումյանի միջոցներով:

Հայաստանի ազգային արխիվ, ֆ. 53, ց. 1, գ. 2569, թ. 27:

1840 թ․

1840 թ. հոկտեմբերի 20-ին եկեղեցին հիշվում է մի գողության առիթով, որի արդյունքում «...եկեղեցին մնացեալ է զուրկ ի սպասուց...»:

Հայաստանի ազգային արխիվ, ֆ. 53, ց. 1, գ. 52, թ. 1: Տե՛ս նաև՝ ֆ. 56, ց. 1, գ. 927, թ. 1:

1844 թ․

1844 թ. եկեղեցին դեռևս փայտաշեն էր, իսկ 1849 թ. հիշվում է «նոր եկեղեցի աղիւսակերտ»: Պարզ է, որ 1844-1849 թթ. միջակայքում փայտաշեն եկեղեցու փոխարեն կառուցվել է նոր՝ աղյուսաշեն եկեղեցի և կրկին օծվել Սբ. Աստվածածնի անվամբ:

Հայաստանի ազգային արխիվ, ֆ. 53, ց. 1, գ. 3809. թ. 45: Տէր-Ղազարեանց Արշարունի Յովհաննէս վարդ., Ստորագըրութիւն Կովկասեան գաւառաց.– «Բազմավէպ», 1851, N 18, էջ 284:

1909 թ․

1909 թ. եկեղեցու նորընտիր երեցփոխ է հիշվում Գևորգ Միքայելյան Սոմխյանցը, որը փոխարինել էր Նիկողայոս Հովհաննիսյան Սիմոնյանցին:

Հայաստանի ազգային արխիվ, ֆ. 53, ց. 1, գ. 1303, թ. 1:

Նկարագրություն

Եկեղեցական իրերից մի քանիսն ունեին հակիրճ հիշատակագրություններ:

Հայաստանի ազգային արխիվ, ֆ. 53, ց. 1, գ. 2569, թ. 27: Ի դեպ, երեցփոխ Գիոն հիշվում է 1818 թ. (Հայաստանի ազգային արխիվ, ֆ. 53, ց. 1, գ. 2569, թ. 27:):

Քանդում
1970 թ․

Եկեղեցին գոյություն է ունեցել մինչև 1970-ական թվականները և հիմքից քանդվել է տեղական իշխանությունների որոշմամբ: