Եկեղեցական-ծխական դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցական-ծխական դպրոց 1917 թ․

Վրաստան / Կախեթ / Սագարեջո / Կակաբեթ

Պատմություն
1916 թ․

Աղյուսակից երևում է, որ Ի դարի սկզբներին Կակաբեթի հայերի թիվը զգալի ավելացել էր, և դրանով էր նաև պայմանավորված գյուղում դպրոց բացելու հնարավորությունը: Ամենայն հայոց կաթողիկոսը 1916 թ. կոնդակով արտոնել էր այստեղ բացել եկեղեցական-ծխական դպրոց, որը պետք է պահվեր Տփղիսի հայ քահանաների դպրոցական հանձնախմբի ծախսով:

«Արարատ», 1916, էջ 791:

1917 թ․

Դպրոցը մեկ բաժանմունքով բացվել էր 1917 թ.՝ սղնախեցի Նիկողայոս Հովսեփյանի օժանդակությամբ:

«Համբաւաբեր», 1917, № 5, էջ 115:

Հայտնի է, որ դպրոցի շենքը ևս կառուցվել էր նույն այս բարեգործի տրամադրած միջոցների շնորհիվ. «Սղնախեցի Նիկողայոս Յովսեփեան 10 հազար ռուբլի է յանձնել թեմիս գեր. Առաջնորդին Սղնախի գաւառի Կակաբեթ գիւղում դպրոցական շէնք կառուցանելու համար»:

«Հովիտ», 1917, № 9, էջ 142:

1919 թ․

Դպրոցը գործել է նաև 1919 թ.: Ամենայն հավանականությամբ՝ Կակաբեթի հայոց դպրոցը փակվել է Վրաստանում խորհրդային կարգերի հաստատումից հետո: