Դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Դպրոց

Վրաստան / Կախեթ / Սղնախ / Նուկրիան

Պատմություն
1884 թ․

Հայտնի է, որ 1884 թ. տեղում ուսումնարան չունենալու պատճառով հայ ծնողներն իրենց երեխաներին ստիպված ուղարկում էին Սղնախ. «...մանուկները յաճախում են Սղնախի հայոց երկսեռ և քաղաքային ուսումնարանները. նրանց թիւը շատ քիչ է, ի միջի այլոց հեռաւորութեան պատճառաւ...»: 1887-ին արդեն գործնական քայլեր էին մշակվել Նուկրիանում դպրոց բացելու հարցում:

«Նոր-Դար», 1884, № 213, էջ 4, 1887, № 178, էջ 3:

1915 թ․

Դպրոցը, սակայն, բացվեց միայն շատ տարիներ անց՝ 1915 թ. սեպտեմբերին, սղնախցի մեծատուն Սարգիս Սիմեոնյանի հոգացողությամբ՝ 1 ուսուցչով86: Ի դեպ, սղնախցի վաճառական Սարգիս Սիմեոնյանն իր ծախսով վերանորոգել էր Նուկրիանի Սբ. Սարգիս եկեղեցուն պատկանող մի շենքը այդտեղ հայկական դպրոց բացելու նպատակով. «Վաղուց անհրաժեշտութիւն էր զգացվում Նուկրիանում հայոց դպրոց բանալու: Այստեղ բնակվում են մօտ 120 տուն վիրախօս հայեր, որոնք բոլորովին չը գիտեն մայրենի լեզու: Այսուհետև, շնորհիւ Սիմօնեանի Նուկրիանի հայ երեխաները կը սովորեն հայերէն», իսկ դպրոցը ի պատիվ բարերարի պիտի անվանվեր «Սիմոնյան»:

«Համբաւաբեր», 1917, № 5, էջ 115: «Մշակ», 1915, № 178, էջ 4:

1916 թ․

1916/17 ուստարում դպրոցը գործել է Կովկասի հայոց բարեգործական ընկերության հատկացրած 200 ռուբ. օժանդակությամբ՝ 2 բաժանմունքով: