Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի

Վրաստան / Կախեթ / Սղնախ / Տիբաան

Պատմություն
1900 թ․

Տիբաանի սակավաթիվ հայերը զուրկ են եղել եկեղեցուց, հաճախ նաև քահանայից, էլ չենք խոսում դպրոցի մասին: Եկեղեցի ունենալու խնդրով տեղաբնակ հայերը սկսել էին զբաղվել միայն Ի դարի սկզբին. «Տիբաանի գիւղում հայոց եկեղեցի կառուցանելու հարցը առաջ է գնում: Արդէն պատրաստ է եկեղեցու պլանը, որ ձրիաբար կազմեց երկրաչափ Զ. Գէորգեան: Գործի նախաձեռնող Գրիգոր քահանայ Մատինեան շուտով առաջարկելու է պլանը Թիֆլիսի կօնսիստօրիային»: 1900 թ. մեկ այլ հաղորդումից տեղեկանում ենք, որ Թիֆլիսի նահանգական վարչության շինարարական բաժինը թերի է գտել և ետ է ուղարկել եկեղեցու նախագիծը: Վիճակը բարդացել էր, քանզի Զ. Գևորգյանը խոստովանել էր, որ անկարող է լրացնել աշխատանքը, ուստի պետք է գտնել գործի շարունակությունը հանձն առնող մեկ այլ մասնագետ: Ի դեպ, եկեղեցին նախատեսված էր կառուցել քարաշեն՝ մինչև 2000 ռուբ. ծախսով: Այն պետք է ծառայեր ոչ միայն Տիբաանի, այլև մերձակա գյուղերում ցրված փոքրաթիվ հայ բնակիչներին: Շուտով գտնվեց անհրաժեշտ լրացումներն ու շտկումներն իրականացնող մասնագետը՝ ճարտարագետ Ավշարյանը: Կառուցվելիք այս եկեղեցու հետագա ճակատագիրը մեզ անհայտ է: