Լիանոզյան Դպրոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Լիանոզյան Դպրոց 1875 — 1896 թթ․

Վրաստան / Կախեթ / Սղնախ / Սղնախ

Պատմություն

Հարկ է նշել, որ «Շուշանիկյան» օրիորդաց դպրոցը (1875-1896 թթ.) հետազոտող Ս. Խուդոյանը նույնացրել է «Լիանոզյան» դպրոցի հետ:

Խուդոյան Ս., Արևելահայ դպրոցները 1830-1920 թվականներին, Երևան, 1987, էջ 607:

1894 թ․

Ի դեպ, ինչ-ինչ հանգամանքների բերումով միայն 1894 թ. իշխանությունների թույլտվությամբ հաստատվում դպրոցի «Լիանոզյան» անվանումը:

«Մշակ», 1901, № 109, էջ 2:

1898 թ․

1898 թ. «...հանրային դպրոցներու Ռուս տեսուչ Բաւլովիչ վարչութեան եւ ժողովրդի հոծ բազմութեան ներկայութեամբ բացեր է նախկին Հայոց եկեղեցական-ծխական դպրոցի տեղ տարրական ուսումնարան մը՝ Լիանոզովի անունով»:

«Բիւզանդիոն», 1898, № 626, էջ 3:

Հայտնի է, որ «Լիանոզյան» դպրոցը պահվում էր մոսկվայաբնակ սղնախցի Գ. Լիանոզյանի այն կալվածքի արդյունքով, որը նա «նուիրել էր ս. Կարապետ եկեղեցուն այն պայմանով, որ դրա արդիւնքով պահպանվի նախկին հայոց եկեղեցական-ծխական դպրոցը եւ վերջինը կրէ իր անունը»:

«Մշակ», 1901, № 109, էջ 2:

1907 թ․

1907 թ. դարձել է երկսեռ երկդասյա դպրոց (դարձյալ որևէ կապ չունի «Շուշանիկյան» օրիորդաց դպրոցի հետ, որը, փաստորեն, 1905-ից միավորված էր «Սահակյան» դպրոցին): Նույն թվականի նոյեմբերի 25-ին տեղի է ունեցել «Լիանոզյան» երկսեռ երկդասյա դպրոցի առաջին ծնողական ժողովը, որը վարում էր ուսուցիչ Արշալույս Գրիգորյանը: