Խաչքար :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Խաչքար 1274 թ․

ԼՂՀ / Քարվաճառ / Ծար

Արձանագրություն, Հայերեն, Փորագիր, Հիշատակագրություն 1274 թ․

Ծարի 1950-ական թվականներին կառուցված դպրոցի շենքի հյուսիս-արեւմտյան անկյան վերնամասում ագուցված է այս արձանագրության վերջնամասը պարունակող սրբատաշ (50x25 սմ) քարը (դպրոցի հատակագծի վրա բեկորի տեղը նշված է պայմանական 115 համարով): Բացի այդ վերոհիշյալ դպրոցի արեւմտյան ճակատի հարավային ծայրի լուսամատի մեջ ագուցված է այս խաչքարի մի բեկորը (68x21 սմ), որի վրա պահպանվել է միայն արձանագրության վերջին տառը (դպրոցի հատակագծի վրա բեկորի տեղը նշված է պայմանական 69 համարով): Մուտքից վեր ագուցված խաչքարին փորագրված է եղել.
ՍՈՒՐԲ ՍԱՐԳԻՍ: ՔՐԻՍՏՈՍ ՈՐԴԻ ԴԱՒԹԻ ԱՒԳՆԷ ՎԱՍՆ ՀԱՍԱՆԱՅ ԱՆԱՐԺԱՆ ԾԱՌԱՅԻՍ ՅԱՒՈՒՐՆ ԱՏԵՆԻ...ԱՄԷՆ. ԹՎ. ՉԻԳ (1274):

Բարխուտարեանց Մ., Արցախ, Բագու, 1895, էջ 405: «Դիվան հայ վիմագրության», պրակ 5, կազմող Ս. Գ. Բարխուղարյան, Երեւան, 1982, էջ 222: Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 59: