Տուն :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Տուն 1658 թ․

ԼՂՀ / Քարվաճառ / Ծար

Նկարագրություն
1658 թ․

Ծարում ուշագրավ ու հազվագյուտ նմուշ է 1658 թ. ոմն Ավանեսի կառուցած հազարաշեն տունը, որի չորս սյուները սովորական գերանների փոխարեն քարից են:

Տան շինարարական արձանագրությունը, որ փորագրված է մի սյան խարսխին եւ մյուսի խոյակի վրա նստած սրբատաշ կամարին, առաջին անգամ ընդօրինակել եւ «Նոր– Դար» լրագրում հրատարակել է Ջրաբերդի Մեծ Շեն զյուղի տանուտեր Բախիշ-բեկը, ինչը սակայն, հաշվի չեն առել «Դիվան... »–ի հեղինակն ու կազմողները (տես «Նոր-Դար» 1890, N158, էջ 3-4) եւ վիմագրի իրենց վերծանությունը ներկայացրել են իբրեւ առաջին հրատարակություն։ Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 65:

19 դ․

Ի դեպ, դեռեւս XIX դարում այս տունը հայտնի էր Ջրաբերդ գավառի բնակիչներին, որոնց կարծիքով դա «արքայական պալատ էր»:

«Նոր-Դար» 1890, N 158, էջ 3-4: Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 69:

Անշուշտ Ծարում, իբրեւ իշխանանիստ բնակավայր, գոյություն են ունեցել պալատական շենքեր, իսկ ուշ միջնադարում՝ մելիքական տներ, ապարանքներ: Հանձինս հազարաշեն տան՝ մենք հավանաբար գործ ունենք Ծարա մելիքների մի ինքնատիպ բնակարանի հետ: Տեղի խիստ բնակլիմայական պայմաններից ելնելով՝ այն չունի ուրիշ մելիքական տներին բնորոշ ճարտարապետական լուծումներ (թաղակապ, կրկնահարկ, հաճախ փայտաշեն պատշգամբներով զարդարված), այլ սահմանափակվել է շրջանին հարազատ հազարաշեն տան համեստ հորինվածքով, միայն սովորականից ավելի ընդարձակ է, ու փայտյա սյուները փոխարինված են քարե սյուներով:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 69:

Արձանագրություն, Հայերեն, Փորագիր, Շինարարական 1658 թ․

Այստեղ, սյան խարիսխներից մեկի վրա փորագրված է.
ԹՎ(ԻՆ): ՌՃԷ: (1658) ԷՐ Տ(Է)Ր... Ս, ՇԻՆՕՂ ԴԱՆՍ:

«Նոր-Դար» 1890, N158, էջ 3-4: Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 65:

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Հազարաշեն տան արձանագիր խարիսխը: