Ասլի Քյարամի քիլիսա Տուն :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Ասլի Քյարամի քիլիսա Տուն

ԼՂՀ / Քաշաթաղ / Եզնագոմեր

Տեղադրություն

Գյուղի հյուսիսային կողմում տարածված հին թաղամասում կանգուն վիճակով պահպանվում է գյուղի երբեմնի տանուտիրոջ կամ քահանայի երկսենյականոց տունը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 128:

Ճարտարապետություն
17 — 18 դդ․

Շինության արտաքին չափերն են 9,80x8,50 մ: Պատերի հաստությունը 1մ է, թաղածածկերը կիսաշրջանաձեւ են: Շարվածքն անմշակ քարով եւ կրաշաղախով է: Պատերը ներքուստ ծածկված են սվաղի շերտով: Ունի մի քանի պահարան-խորշեր եւ դեպի ներս լայնացող 2 լուսամուտ: Շինարվեստով ու հորինվածքով բնորոշ է XVII դարի վերջերին եւ XVIII դարի սկգբներին: Բացի այն, որ սենյակներից յուրաքանչյուրը դրսից առանձին մուտք ունի, դրանք միմյանց հետ հաղորդակցված են լրացուցիչ ներքին մուտքով: Մուտքերի անկյունաքարերը սրբատաշ են:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 128:

Նկարագրություն

Կառույցը մինչեւ վերջին տարիներս տեղացի թրքացած քրդերի կողմից օգտագործվում էր որպես բնակարանի օժանդակ մաս եւ հայտնի էր «Ասլի Քյարամի քիլիսա» անունով:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 128:

Վերը շարադրվածից եւ շենքի ներկայացված հատակագծից երեւում է, որ շինությունը բնավ պաշտամունքային նշանակություն չի ունեցել: Հետեւաբար, տվյալ դեպքում տեղացիներն այն «քիլիսա» (թուրք, եկեղեցի) էին կոչում պարզապես հաշվի առնելով նրա՝ քրիստոնյա բնակիչներից մնացած լինելու հանգամանքը:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 128:

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Բնակելի շենք 17-18 դդ.