Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի 17 դ․

ԼՂՀ / Քաշաթաղ / Բճանց

Տեղադրություն

Գյուղի կենտրոնական մասում պահպանվում է բազմիցս նորոգված, բայց ներկայում կիսավեր եկեղեցին:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 171:

Պատմություն
19 դ․

Դեռեւս XIX դարի վերջերին եկեղեցին խաշնարած քրդերը օգտագործում էին որպես հարդանոց: Նույն նպատակով եկեղեցու շենքն օգտագործվում էր նաեւ մեր 1-ին այցելության ժամանակ՝ 1985-ին:

«Ազգագրական Հանդէս», գիրք Դ, N 2, Թիֆլիս, 1898, էջ 49։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 171:

Նկարագրություն

Ներկայում, սակայն, եկեղեցու փայտածածկն ամբողջապես քանդված է: Կանգուն են միայն անմշակ քարով ու կրաշաղախով կառուցված պատերը: Եկեղեցին նման է միանավ թաղածածկ շինություններին, մինչեւ իսկ ունի զույգ որմնասյուներ, բայց այն ի սկզբանե, կարծում ենք, փայտածածկ է եղել, որովհետեւ պատերը միահավասար բարձրությամբ են, առանց դեպի թաղը բարձրացող կորության: Ուշագրավ է նաեւ խորանը: Այն, ինչպես եւ երկու կողմերում գտնվող մեկական ավանդատները, ունի ուղղանկյուն հատակագիծ: Միակ մուտքը արեւմուտքից է: Պատերի միջին հաստությունը 110 սմ է, իսկ արտաքին չափերն են 11.70 x 8.20 մ: Պատերի մեջ՝ ե՛ւ ներքուստ, ե՛ւ արտաքուստ ագուցված են XIV-XVII դարերին պատկանող բազմաթիվ խաչքարեր ու տապանաքարեր: Դրանց մեծ մասը տեղադրված է մուտքի, լուսամուտների եւ շենքի արտաքին անկյուններում՝ իբրեւ ավելի կայուն ու հարմար շինաքար:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 171:

Եկեղեցու պատերում և շրջակայքում պահպանվել են մի շարք խաչքարեր (ԺԲ-ԺԷ դդ.) և տապանաքարեր (ԺԴ-ԺԷ դդ.)։

Kortoshian, Raffi. The Endangered Christian Armenian Heritage of Artsakh, Yerevan, 2022, p. 105.

Տեսակը Լուսանկար
Ուղղությունը ⇘ Հարավ-արևելքից
Հեղինակը Սամվել Կարապետյան

Տեսակը Լուսանկար
Տեսքը ներքին
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Ներքին տեսքը դեպի արևելք

Տեսակը Լուսանկար
Տեսքը ներքին
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Ներքին տեսքը դեպի արևմուտք

Տեսակը Լուսանկար
Տեսքը ներքին
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Եկեղեցու մուտքը