Արտաշիպ Գյուղատեղի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Արտաշիպ Գյուղատեղի

ԼՂՀ / Քաշաթաղ / Սեյդլյար

Նկարագրություն

Պատմական հարուստ անցյալ ունեցող հին գյուղը գտնվում էր Հակարիի ձախ ափին:
Խորհրդային տարիներին թրքախոս քրդերը ջանադրաբար ավերել են հայկական մշակութային հուշարձանները, քարերն էլ գործածել գոմերի եւ բնակարանների շինարարության մեջ:

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 176:

Արտաշիպ (Արդաշեւի) գյուղի աղբյուրի պատի մեջ ագուցված է մի ամբողջական տապանաքար: Նույն գյուղի փոստատան շենքի պատի մեջ ագուցված էր գեղաքանդակ ու արձանագիր խաչքարի բեկոր (60x64x16,5 սմ), որը գյուղի հայ վերաբնակիչները, 1995 թ. տեղադրել են գյուղի կենտրոնում գտնվող աղբյուրի մոտ։

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 176:

Պատմություն
1615 թ․

Ի դեպ 1615 թ. այս գյուղում Քասբար երեցի ջանքերով նորոգվել է մի ձեռագիր, որի հիշատակարանում նշված է. «Ի երկիրս Մաղայոզ, ի գեղն՝ Արտաշիպ...»:

«ԺԷ դարի հայերեն ձեռագրերի հիշատակարաններ», հատոր Ա Երեւան, 1976, էջ 561։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 176:

1637 թ․

Հարկ է նշել, որ նույն՝ Արտաշիպ գյուղում մեկ այլ ձեռագիր ավետարան էլ նորոգվել է 1637 թ.: Վերջինիս հիշատակարանում կարդում ենք. «...ի երկիրս Մաղայուզ, ի գուղս Արտայշիբի: Դարձեալ նորոքեցաւ ձեռամբ սուտանուն Սարքիս էրէցուս, ի թիւականիս Հայոց ՌՋԶ (1637)»:

«Ժէ դարի հայերեն ձեռագրերի հիշատակարաններ», հատոր Բ, Երեւան, 1978, էջ 699։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 176:

Անվանում	Հիշ. ժամանակը	Ստուգաբանություն
Արդաշեւի