Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի 19 դ․

ԼՂՀ / Ֆիզուլի / Հողեր

Պատմություն
19 դ․

Հողերի Սբ. Աստվածածին եկեղեցին, որ հնի հիմքերի վրա XIX դարի վերջերին վերակառուցված միանավ թաղակապ շենք է, արխիվային վավերագրերից մեկում միեւնույն անվամբ հիշվում է 1880 թ.։

Հայաստանի Հանրապետության Պատմության պետական կենտրոնական արխիվ, ֆ. 56, ց. 6, գ. 33, թ. 17։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 238:

Ճարտարապետություն

Կառուցված է անմշակ քարով, սրբատաշ են միայն անկյունաքարերը։ Ըստ տեղանքի ընձեռած հնարավորությունների՝ եկեղեցու միակ մուտքը բացված է հյուսիսային ճակատից։ Իր ավանդական տեղում է (հյուսիսային պատի մեջ) մկրտարանի քարե (միակտոր) տաշտակաձեւ ավազանը։ Արեւմտյան ճակատը դրսի կողմից մեծ մասով թաղված է հողի շերտի մեջ։

Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 238:

Նկարագրություն

Մոտավորապես 1890-ին գյուղ այցելած եւ բնակիչների տեղաբնիկության խնդրով հետաքրքրված Մակար եպիսկոպոս Բարխուտարյանցը նշել է, որ Հողերի «բնակիչք բնիկ»–ներ էին, իսկ ծխական եկեղեցու շենքն էլ գտնվում է թերաշեն վիճակում. «... եկեղեցին կիսատ...»։

Բարխուտարեանց Մ., Արցախ, Բագու, 1895, էջ 71։
Սամվել Կարապետյան, Հայ մշակույթի հուշարձանները Խորհրդային Ադրբեջանին բռնակցված շրջաններում, Երևան, 1999, էջ 237:

Տեսակը Լուսանկար
Ուղղությունը ⇗ Հյուսիս-արևելքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Տեսակը Լուսանկար
Հեղինակը Սամվել Կարապետյան
Աղբյուրը Սեւ-սպիտակ նեգատիվ

Հյուսիսային ճակատից բացված միակ մուտքը