Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի 1830 — 1838 թթ․

Ադրբեջան (ոչ Արցախ) / Վարդաշեն / Վարդաշեն / Վարդաշեն

Տեղադրություն

Հայոց (առաքելական) Սբ. Աստվածածին եկեղեցին գտնվում է ուղղափառ եկեղեցուց շուրջ 300 մետր հյուսիս։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 94:

Ճարտարապետություն

Ունի եռանավ բազիլիկի հորինվածք։ Հիմնական առանձնահատկություններից է կենտրոնական նավի ողջ երկարությամբ, սյուների ու որմնասյուների վրա հենված երեք կեղծ գմբեթների առկայությունը։ Արտաքուստ ունի երկթեք տանիք։ Եկեղեցին ունի երկու մուտք՝ հարավից եւ արևմուտքից։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 94:

Հիմնադրում
1830 — 1838 թթ․

Սրա կառուցումը հիմնվել է 1830 թ. եւ ավարտվել 1838 թ.։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 94:

Նկարագրություն

Արևմտյան ճակատում արտաքուստ ագուցված է շինարարության մասին պատմող արձանագրությունը։ Եկեղեցին ներկայումս գտնվում է անմխիթար վիճակում։ Միայն տանիքին արդեն բուսնել են տասնյակ ծառեր, որոնց արմատները շարունակ քանդում են թաղը։ Օգտագործվում է որպես մետաղե թափոնների հավաքատեղ։

Սամվել Կարապետյան, Բուն Աղվանքի հայերեն վիմագրերը, Երևան, 1997, էջ 94:

Արձանագրություն, Հայերեն, Փորագիր, Շինարարական 1830 թ․

Բարխուտարեանց Մ., Աղուանից երկիր և դրացիք, Թիֆլիս, 1863, էջ 246 (ունի մանր տարընթերցումներ)։ Ծանոթ. 1838 թ. Սբ. Աստվածածին եկեղեցին ենթարկվել է կողոպտման (Հայաստանի Հանրապետության Պատմության պետական կենտրոնական արխիվ, ֆ. 56, ց. 1, գ. 562, թ. 1, 11)։ 1900 թ. եկեղեցին գտնվում էր քայքայված վիճակում։ Հարկավոր էր թիթեղապատել տանիքը, ներսի ճեղքերը լցնել շաղախով և սվաղելուց հետո ամբողջ եկեղեցին ներքուստ սպիտակեցնել և այլն՝ ընդամենը 1600 ռ. ծախս (Հայաստանի Հանրապետության Պատմության պետական կենտրոնական արխիվ, ֆ. 56, ց. 1, գ. 9709, թ. 3)։

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1984 — 1987 թթ․

Տեսակը Լուսանկար
Տեսքը հատված
Հեղինակը Սամվել Կարապետյան
Աղբյուրը Գունավոր նեգատիվ