Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Եկեղեցի

Վրաստան / Մցխեթ / Լիս

Պատմություն
1896 թ․

Առանձին բարեգործ անհատներ եկեղեցին կառուցելու համար 100 սաժենից ավելի հողամաս նվիրեցին, նախագիծը ձրիաբար պատրաստեց ճարտարապետ Ն. Գրիգորյանցը, իսկ Թիֆլիսի Նիկոլաևսկի ուսումնարանի տեսուչ Պողոս Քաթանյանի հայտարարությամբ և հորդորներով իրականացվեց հանգանակություն՝ շինարարության ծախսերը ծածկելու նպատակով: Շինարարությունը սկսվեց, բայց դրամի պակասի պատճառով չամբողջացավ. «... եկեղեցու պատերը արդեն կառուցված են. բայց ծածկի համար կարևորությիւն կայ օժանդակութեան...»: Դրամական հանգանակությունները կազմակերպվեցին ոչ միայն Թիֆլիսում, այլև Բաքվում և այդուհանդերձ դեռևս 1896 թ. եկեղեցու կառույցը թերավարտ էր:

Հայաստանի Հանրապետության Պատմության պետական կենտրոնական արխիվ, ֆոնդ 53, ցուցակ 1, գործ 3330, թերթ 6: «Արձագանք», 1893, N 73, էջ 3, N 88, էջ 4, N 29, էջ 1: «Տարազ», 1893, N 28, էջ 450: «Նոր- Դար», 1895, N 114:

1930 թ․

Եկեղեցին գործեց մինչև 1930 թ.:

Սամվել Կարապետյան, «Գարդմանք» հայրենագիտական ամսաթերթ, նոյեմբեր-դեկտեմբեր, 1996, N 3, էջ 7, 16:

Քանդում
1931 թ․

1931-ին տանիքը քանդեցին, բայց պատերն այդպես էլ մնացին:

Սամվել Կարապետյան, «Գարդմանք» հայրենագիտական ամսաթերթ, նոյեմբեր-դեկտեմբեր, 1996, N 3, էջ 7, 16:

Յուրացում
1996 թ․

Լիսի հայոց ծխական եկեղեցին իր ծախսով վերանորոգեց Կախնիաշվիլիների ընտանիքը (նախկին՝ Օգանեզով-Հովհաննիսյան), որն էլ վրաց եկեղեցու ծեսով օծվեց 1996 թ. օգոստոսի 28-ին՝ հողի տակ թողնելով Հարություն Հարությունյանի հայագիր տապանաքարը: Ահա այս տեսակ ցավալի վախճան ունեցան լիսաբնակ միայնակ ու անօգնական մի բուռ, ծագումով գարդմանցի վրացախոս հայերը:

Սամվել Կարապետյան, «Գարդմանք» հայրենագիտական ամսաթերթ, նոյեմբեր-դեկտեմբեր, 1996, N 3, էջ 7, 16:

Տեսակը Լուսանկար
Տեսքը հատված
Հեղինակը Սարգիս Դարչինյան
Աղբյուրը Սեւ-սպիտակ նեգատիվ
Տարեթիվ 1981 թ․

Տեսակը Լուսանկար
Տեսքը հատված
Հեղինակը Սարգիս Դարչինյան
Աղբյուրը Սեւ-սպիտակ նեգատիվ
Տարեթիվ 1997 թ․

Վրացացնելուց հետո` 1997 թ.: