Սբ. Գևորգ Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Գևորգ Եկեղեցի 1830 թ․

Վրաստան / Ջավախք / Ախալքալաք / Արակովա

Պատմություն
1841 թ․

Առաջին հիշատակություններից մեկը վերաբերում է 1841 թ.:

Հայաստանի ազգային դիվան, ֆ. 56, ց. 1, գ. 1005, թ. 1, 22: Սամվել Կարապետյան, Ջավախք, Երևան, 2006, էջ 86:

Հիմնադրում
1830 թ․

Հիմնադրվել է 1830-ականներին:

Սամվել Կարապետյան, Ջավախք, Երևան, 2006, էջ 86:

Նորոգություն
1877 — 1890 թթ․

Եկեղեցին տեր Գրիգոր Տեր-Ավետիսյանի միջոցներով հիմնովին վերակառուցել է 1877 թ. Կարինից Աբասթուման գաղթած ճարտարապետ Գրիգոր Կիրակոսյանը: Այն իր ժամանակի աչքի ընկնող շենքերից էր. «Այս գիւղը ունի մի մեծ հոյակապ եկեղեցի...: Եկեղեցին կանգնած է 12 սիւների վրայ, որոնցից իւրաքանչիւրի վրա նկարված է մի-մի առաքեալի պատկեր...», բայց արդեն 1890-ականներին եկեղեցու շենքը քայքայված վիճակում էր. «...եկեղեցու դռները մինչև այժմ փակ են հնութեան պատճառով: Գիւղացիք կամենալով մի նոր եկեղեցի կառուցանել, դիմել են ճարտարապետ պ. Ն. Գրիգորեանի խորհուրդներին»:

Լալայան Ե., Երկեր, հ. 1, Երևան, 1983, էջ 60: Հայաստանի ազգային դիվան, ֆ. 227, ց. 1, գ. 27, թ. 4։ «Մշակ», 1877, N 10, էջ 2։ «Նոր-Դար», 1896, N 201, էջ 3։ Սամվել Կարապետյան, Ջավախք, Երևան, 2006, էջ 86:

1899 — 1909 թթ․

1899 թ. մի տեղեկագրում կարդում ենք. «...ահա 2-3 տարի է, ինչ քանդուել է եկեղեցին, և մենք մնացել ենք առանց ժամ ու պատարագի...»: Դրությունը չէր փոխվել նաև 1901 թ.: Վերջապես 1903 թ. սկսվում է եկեղեցու շինարարությունը. «...Արագովան արդէն ձեռնարկել է գործի: Առայժմ քանդում են հինը՝ նորը կառուցանելու համար»: Աշխատանքներն ավարտվում են 1905 թ., իսկ հանդիսավոր օծումը կատարվում է 1909 թ. (ըստ տեղացիների վկայության): Նորակառույց եկեղեցին բավական ընդարձակ (24,90 x 14,70 մ) կառույց է, որի թմբուկը փայտաշեն է, իսկ մնացած մասերը՝ քարաշեն: Արևմտյան ճակտոնի գագաթին զանգակատունն է:

«Նոր-Դար», 1899, N 187, էջ 2։ «Մշակ», 1901, N 98, էջ 3։ «Արարատ», 1903, էջ 437։ Սամվել Կարապետյան, Ջավախք, Երևան, 2006, էջ 86:

Նկարագրություն

Ներկայումս կանգուն ու անվնաս է՝ բացառությամբ թմբուկից, որն իսպառ քայքայված է:

Սամվել Կարապետյան, Ջավախք, Երևան, 2006, էջ 87:

Տեսակը Լուսանկար
Տեսքը արտաքին
Ուղղությունը ⇘ Հարավ-արևելքից
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1988 թ․

Տեսակը Լուսանկար
Տեսքը հատված
Ուղղությունը ⇙ Հարավ-արևմուտքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 թ․

Տեսակը Լուսանկար
Տեսքը արտաքին
Ուղղությունը ⇙ Հարավ-արևմուտքից
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 2005 թ․

Տեսակը Լուսանկար
Տեսքը մանրամաս
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 1988 թ․

Զանգակատունը:

Տեսակը Չափագրություն
Հեղինակը Սամվել Կարապետյան
Աղբյուրը Գծագիր

Հատակագիծ

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 2004 թ․