Նոր Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Նոր Եկեղեցի

Վրաստան / Ջավախք / Ախալքալաք / Բուռնաշեթ

Պատմություն
1890 թ․

Սբ. Մատթեոս ավետարանիչ հին եկեղեցու փոխարեն գյուղում նոր եկեղեցու շենք ունենալու միտքը հղացվել է 1890-ականի սկզբին. «...Հաշուել են, որ նոր եկեղեցու շինութեան համար ծախս է գնում մօտ 7 հազար րուբլի, բայց եկեղեցին այսքան տարիների ընթացքում հաւաքած ունի միայն 3.600 րուբլի փող...»: 1896 թ. կազմված նախահաշվով, ծախսը կազմել է 5.117 ռ., և քանի որ եկեղեցուց զատ նախատեսված էր կառուցել նաև սենյակներ և աղբյուր, ուստի գյուղացիները ստիպված էին դիմել «...համազգայիններու օգնութեանը» (1906 թ.): Ի դեպ, տակավին 1905 թ. Էջմիածնի Սինոդը հայտնել էր, որ իրենց ու նաև բարձրագույն իշխանությունների կողմից եկեղեցու կառուցման կապակցությամբ որևէ արգելք չկա. «Օգոստոսի 5-ին Սինօդը որոշեց ուղարկել Վրաստանի և Իմերէթի Կոնսիստորիային Ախալքալաքի գաւառի Բուռնաշէթ գիւղի եկեղեցու հատակագիծը և յայտնել, որ բարձրագոյն հրամանով յիշեալ եկեղեցու շինութիւնն արդէն թոյլատրուած է»: 1907 թ. եկեղեցու շինարարական աշխատանքները ընդհատվել են դրամի սղության պատճառով: Հավանաբար այդ շենքն այդպես էլ անավարտ է մնացել, քանի որ այժմ էլ կանգուն շենքը ակնհայտորեն թերավարտ կառույց է:

«Նոր-Դար», 1894, N 131։ Հայաստանի ազգային դիվան, ֆ. 53, ց. 1, գ. 3335, թ. 15, 54, 58։ «Արարատ», 1905, էջ 785: Սամվել Կարապետյան, Ջավախք, Երևան, 2006, էջ 132-133:

Տեսակը Լուսանկար
Տեսքը հատված
Ուղղությունը ⇘ Հարավ-արևելքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 — 1989 թթ․

Տեսակը Լուսանկար
Տեսքը հատված
Ուղղությունը ⇓ Հարավից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 — 1989 թթ․

Տեսակը Լուսանկար
Տեսքը հատված
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 — 1989 թթ․

Հարավային ճակատից բացված մուտքը