Գերեզմանոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Գերեզմանոց

Վրաստան / Ջավախք / Ախալքալաք / Կարտիկամ

Տեղադրություն

Կարտիկամում հատկապես ուշագրավ է եկեղեցուց հազիվ 60 մ հյուսիս-արևելք տարածված, ներկայումս Դումանյանների տնամերձ հողամասի սահմաններում ընդգրկված գյուղի հայոց միջնադարյան գերեզմանոցը:

Սամվել Կարապետյան, Ջավախք, Երևան, 2006, էջ 293:

Նկարագրություն

Այստեղ պահպանված մի քանի խաչքարերն ու դրանց բեկորները թվագրվում են ԺԵ-ԺԶ դարերով: Հնավայրում պահպանված խաչքարերը, բացառությամբ մեկի, որը նաև արձանագիր է, տեղահան են ու կոտրատված: Ուշագրավ է 170 x 100 x 46 սմ չափերով մի խաչքար, որի ստորին մասում կա հեծյալի պատկերաքանդակ: Գեղաքանդակ խաչքարի մեկ այլ բեկոր ունի 87 x 80 x 16 սմ չափեր: Հնավայրում կան նաև խոյաձև տապանաքարեր: