Ազմանա Գյուղատեղի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Ազմանա Գյուղատեղի

Վրաստան / Ջավախք / Ախալքալաք / Հոկամ

Տեղադրություն

Տարածվում է Հոկամ գյուղից 4 կմ արևմուտք, ծ. մ. 1714-1720 մ բարձրությամբ հարթավայրում:

Սամվել Կարապետյան, Ջավախք, Երևան, 2006, էջ 341:

Պատմություն
1595 թ․

Երբեմնի գյուղի առաջին վկայություններից մեկը վերաբերում է 1595 թ., երբ ուներ 12 տուն բնակիչ և պետական գանձարան էր մուծում 12.000 ակչե:

”გურჯისტანის ვილაიეთის დიდი დავთარი”, էջ 228: Սամվել Կարապետյան, Ջավախք, Երևան, 2006, էջ 341-342:

1718 — 1719 թթ․

1718-1719 թթ.` տանուտեր Վասփի Իբրահիմի օրոք, Ազմանայից հարկվել է 9.250 ակչե:

”ჩილდირის ეიალეთის ჯაბა დავთარი 1694-1732 წწ.”, էջ 157: Սամվել Կարապետյան, Ջավախք, Երևան, 2006, էջ 342:

1719 — 1720 թթ․

1719-1720 թթ.` տանուտեր Յուսուփ Իսահակի օրոք հարկվել է 12.000 ակչե:

”ჩილდირის ეიალეთის ჯაბა დავთარი 1694-1732 წწ.”, էջ 162: Սամվել Կարապետյան, Ջավախք, Երևան, 2006, էջ 342:

1726 — 1727 թթ․

1726-1727 թթ.` տանուտեր Մեհմեդի օրոք հարկվել է 7.000 ակչե:

”ჩილდირის ეიალეთის ჯაბა დავთარი 1694-1732 წწ.”, էջ 192: Սամվել Կարապետյան, Ջավախք, Երևան, 2006, էջ 342:

Բնակչություն
10 — 20 դդ․

Ժ-ԺԱ դարերում գյուղն ունեցել է հունադավան, իսկ առնվազն ԺԴ դարից` հայ-առաքելական բնակիչներ: Հայաթափ է եղել ԺԸ դարում: Ավելի ուշ բնակեցվել է խաշնարած մահմեդականներով: Ի դարի սկզբների վիճակագրական նյութերում գյուղն արձանագրվել է որպես զուտ թրքաբնակ:

Ի դեպ, Ն. Բերձենիշվիլու վկայությամբ՝ բնակիչները թուրք-ղարափափախներ (թարաքամա) էին (ბერძენიშვილი ნ., նշվ. աշխ., էջ 114): Սամվել Կարապետյան, Ջավախք, Երևան, 2006, էջ 342:

1914 թ․

1914 թ. ունեցել է 225 բնակիչ: Վերջիններս Ազմանայում բնակվել են մինչև 1944 թ. աքսորը, որից հետո՝ 1945 թ., Ազմանան շենացրել են Պրտենայից փոխադրված 41 վրացի ընտանիք:

“Кавказский календарь на 1915 г.”, Тифлис, 1914, էջ 84: Սամվել Կարապետյան, Ջավախք, Երևան, 2006, էջ 342:

1969 — 1980 թթ․

1969 թ-ին Ազմանան ապաբնակեցվել է, սակայն 1980-ական թթ. վերջերին գյուղը կրկին շենացել է վերաբնակիչ աջարների համար Վրաստանի կառավարության ջանքերով կառուցված մի քանի տասնյակ բնակելի տների շնորհիվ: