Սբ. Աստվածածին Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Աստվածածին Եկեղեցի

Վրաստան / Ջավախք / Նինոծմինդա / Մեծ Խանչալի

Պատմություն

Հիմնադրման ստույգ թվականը հայտնի չէ, սակայն արդեն 1830-ական թվականներին վերջինիս գոյությունը կասկածից վեր է։ Ներկայումս կանգուն, բայց խիստ քայքայված եկեղեցին, ամենայն հավանականությամբ, հնի տեղում 1850-60-ականներին հիմնովին վերակառուցված շինություն է, որը հետագայում էլ մի քանի անգամ նորոգվել է։

Սամվել Կարապետյան, Ջավախք, Երևան, 2006, էջ 376:

Ճարտարապետություն

Եկեղեցին քարաշեն, փայտածածկ կառույց է։ Տանիքը պահում են 3 զույգ փայտե սյուները։ Մուտքը արևմտյան ճակատից է, սրահը լուսավորվում է թվով 10 լուսամուտներից։ Արտաքին չափերն են՝ 19,67 x 11,68 մ։ Նյութը՝ սրբատաշ և կոփածո բազալտ, կրաշաղախ։

Սամվել Կարապետյան, Ջավախք, Երևան, 2006, էջ 376:

Նորոգություն
1896 թ․

1896 թ. օգոստոսի 14-ին եկեղեցու երեցփոխը հոգևոր իշխանություններից ստացել էր եկեղեցու ներսը ծեփելու և մի փայտաշեն, գմբեթաձև զանգակատուն կառուցելու թույլտվություն:

Հայաստանի ազգային դիվան, ֆ. 53, ց. 1, գ. 2917, թ. 23-25: Սամվել Կարապետյան, Ջավախք, Երևան, 2006, էջ 376:

1913 թ․

1913 թ. նախատեսվում էր նորոգել եկեղեցու հյուսիսային և հարավային պատերը` այդ նպատակի համար ծախսելով եկեղեցական 1000 ռ. գումարը։ Այս հերթական նորոգության թույլտվությունը ևս ստացվել է (1913 թ. հոկտեմբերին)։ Աշխատանքները գլխավորել է Սահակ քահանա Վարդապետյանը։

Հայաստանի ազգային դիվան, ֆ. 53, ց. 1, գ. 3450, թ. 1-7, նաև` ֆ. 56, ց. 1, գ. 11746, թ. 1-3: Տե՛ս նաև՝ «Արարատ», 1913, էջ 1004: Սամվել Կարապետյան, Ջավախք, Երևան, 2006, էջ 376:

Տեսակը Լուսանկար
Տեսքը արտաքին
Ուղղությունը ⇖ Հյուսիս-արևմուտքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 — 1989 թթ․

Տեսակը Լուսանկար
Տեսքը արտաքին
Ուղղությունը ⇙ Հարավ-արևմուտքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 — 1989 թթ․

Տեսակը Չափագրություն
Տեսքը արտաքին
Հեղինակը Սամվել Կարապետյան
Աղբյուրը Գծագիր

Հատակագիծ