Սբ. Նշան Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Նշան Եկեղեցի

Վրաստան / Ջավախք / Ախալքալաք / Տրկնա

Պատմություն
1840 թ․

Շինարարական աշխատանքներն իրականացվել են 1840-ականին, ընդ որում 1848 թ. կոնսիստորիան վեհափառին զեկուցել էր այն մասին, որ տրկնացիները, առանց հոգևոր իշխանություններին տեղյակ պահելու և թույլտվության, ավարտել են իրենց միջոցներով եկեղեցու կառուցումը և ակնկալում են օծման արարողություն. «...կառուցեալ են զփայտաշէն միջասահման եկեղեցիս, որոց որմունքն են քարեայ և ծածկքն փայտեայ...»:

Հայաստանի ազգային դիվան, ֆ. 56, ց. 6, գ. 5, թ. 5։ Սամվել Կարապետյան, Ջավախք, Երևան, 2006, էջ 500:

19 դ․

ԺԹ դարի վերջին անհրաժեշտություն է զգացվել հիշյալ եկեղեցու փոխարեն, որը կառուցվել էր բավական սուղ միջոցներով և արդեն հնացել էր, կառուցել նոր եկեղեցի: Այդ մտահղացումը կյանքի է կոչվել 1891 թ.: Սակայն նորակառույց եկեղեցուն էլ վիճակված չէր տևականորեն ծառայել տրկնացիներին, քանի որ 1899 թ. դեկտեմբերի 19-ի երկրաշարժից վտանգավոր չափերով խարխլվել է:

Мушкетов И., Материалы по ахалкалакскому землетрясению 19-ого декабря 1899 г., “Труды Геологоческаго комитета”, Новая серия, вып 1, СПБ, 1903, էջ 30։ Սամվել Կարապետյան, Ջավախք, Երևան, 2006, էջ 500-501:

Նկարագրություն
1988 թ․

1988 թ. մեր այցելության ժամանակ կիսավեր էր:

Սամվել Կարապետյան, Ջավախք, Երևան, 2006, էջ 501:

Արձանագրություն, Հայերեն, Փորագիր, Շինարարական 1891 թ․

Նորաշեն եկեղեցու մուտքի հյուսիսային կողմում` 5 տող.
1891 ՇԻՆԵՑԱՒ Ս(ՈՒՐԲ) ՆՇԱՆ ԵԿԵՂԵՑԻՍ ԱՐԴ|ԵԱՄԲ ԺՈՂՈՎՐԴՈՑ ՏՐԿՆԱ | ԳԵՂՋ ԵՒ ՄԱՍԱՄԲ ՕԳՆՈՒԹԵԱՄԲ ԻՒՂԱ|ԲԵՐԻ ԴԵՏԱԼԻԹԱՅԻ ԵՒ ՄԵՐ|ՑԱԿԱ ԳԻՒՂՈՐԵՅԻՑ:

Սամվել Կարապետյան, Ջավախք, Երևան, 2006, էջ 501:

Տեսակը Լուսանկար
Տեսքը արտաքին
Ուղղությունը ⇙ Հարավ-արևմուտքից
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 2004 թ․

Անվանում	Հիշ. ժամանակը	Ստուգաբանություն
Սբ. Խաչ