Սբ. Գևորգ Եկեղեցի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Սբ. Գևորգ Եկեղեցի

Վրաստան / Ախալցխա / Ծիրա

Պատմություն
1860 թ․

1860 թ. հիշվում է «նորոգ շինեալ» Սբ. Հրեշտակապետաց եկեղեցին:

Հայաստանի ազգային դիվան, ֆ. 53, ց. 1, գ. 3833, թ. 97: Սամվել Կարապետյան, Ախալցխա, Երևան, 2008, էջ 208:

1863 թ․

1863 թ. հիշվում է որպես փայտաշեն եկեղեցի:

Հայաստանի ազգային դիվան, ֆ. 53, ց. 1, գ. 3843, թ. 60-61: Սամվել Կարապետյան, Ախալցխա, Երևան, 2008, էջ 209:

1906 և 1912 (երեցփոխի ընտրության կապակցությամբ) թվականներին հիշվում է Սբ. Գևորգ եկեղեցին:

Հայաստանի ազգային դիվան, ֆ. 53, ց. 1, գ. 3915, թ. 42: Հայաստանի ազգային դիվան, ֆ. 53, ց. 1, գ. 1286, թ. 9: Սամվել Կարապետյան, Ախալցխա, Երևան, 2008, էջ 209:

Հստակ է, որ եկեղեցու անվանափոխությունը (օծման հանդեսով) տեղի է ունեցել 1860-1906 թվականների միջակայքում: Դրա շարժառիթը, ինչպես հայտնի է, սովորաբար պայմանավորված է լինում կառույցի հետ առնչվող և իրականացված հիմնավոր կամ մասնակի վերակառուցման աշխատանքների հետ: Ինչևէ, խնդրի պարզաբանմանը լույս է սփռում մուտքից վեր 1882 թ. փորագրված շինարարական արձանագրությունը, որից հետևում է, որ եկեղեցու անվանափոխությունը (Սբ. Հրեշտակապետացի փոխարեն Սբ. Գևորգ) տեղի է ունեցել նշյալ թվականին:

Սամվել Կարապետյան, Ախալցխա, Երևան, 2008, էջ 209-210:

2007 թ. փետրվարի 14-ին տեղի է ունեցել գյուղի հասարակության միջոցներով վերանորոգված եկեղեցու բացումը:

Սամվել Կարապետյան, Ախալցխա, Երևան, 2008, էջ 210:

1908 թ․

1908 թ. նորընտիր երեցփոխի տնօրինությանը հանձնված եկեղեցու ունեցվածքի 47 անուն զանազան գրքերի, անոթների, սպասքի, խաչերի և այլնի թվում ուշագրավ էր հատկապես 1786 թ. Պետերբուրգում հրատարակված պատկերազարդ Ավետարանը:

Հայաստանի ազգային դիվան, ֆ. 53, ց. 1, գ. 1286, թ. 5-6: Սամվել Կարապետյան, Ախալցխա, Երևան, 2008, էջ 210:

Ճարտարապետություն

Եկեղեցին երկթեք ծածկի տակ առնված փայտամած տանիքով համակ սրբատաշ քարով, կրաշաղախով կառուցված, ուղղանկյուն հատակագծով կառույց է: Արևելյան ճակատում խորանը դուրս է շինության հիմնական ծավալներից և շեշտված է կիսաբոլորակ ելուստով: Միակ մուտքը բացված է հարավային ճակատից: Լուսավորությունն իրականացվել է 9 լուսամուտների միջոցով (2-ական` հյուսիսային, արևմտյան և հարավային, 3-ը` արևելյան ճակատներից): Արևմտյան ճակտոնի գագաթին ունեցել է փոքրիկ զանգակատուն(չի պահպանվել): Արտաքին չափերն են` 13,21 x 8,90 մ:

Սամվել Կարապետյան, Ախալցխա, Երևան, 2008, էջ 210:

Արձանագրություն, Հայերեն, Փորագիր, Շինարարական 1882 թ․

Եկեղեցու հարավային մուտքից վեր` 2 տող.
Շինեցաւ ս(ուր)բ | եկեղեցիս, 1882:

Սամվել Կարապետյան, Ախալցխա, Երևան, 2008, էջ 210:

Տեսակը Լուսանկար
Տեսքը արտաքին
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 թ․

Տեսակը Լուսանկար
Տեսքը արտաքին
Ուղղությունը ⇙ Հարավ-արևմուտքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 թ․

Տեսակը Լուսանկար
Տեսքը արտաքին
Ուղղությունը ⇘ Հարավ-արևելքից
Հեղինակը Սամվել Կարապետյան
Աղբյուրը Սեւ-սպիտակ նեգատիվ
Տարեթիվ 1988 թ․

Տեսակը Նախագիծ
Տեսքը արտաքին
Հեղինակը Սամվել Կարապետյան
Աղբյուրը Գծագիր

Եկեղեցու հատակագիծը ըստ նախագծի

Տեսակը Չափագրություն
Տեսքը արտաքին
Հեղինակը Աշոտ Հակոբյան
Աղբյուրը Գծագիր

Եկեղեցու հատակագիծը ըստ իրական կառուցվածքի:

Տեսակը Նախագիծ
Տեսքը արտաքին
Հեղինակը Արխիվային
Աղբյուրը Գծագիր

Անվանում	Հիշ. ժամանակը	Ստուգաբանություն
Սբ. Հրեշտակապետաց