«Շաղոտ» Բնակատեղի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

«Շաղոտ» Բնակատեղի

ԼՂՀ / Շուշի / Կարկառ

Տեղադրություն

Արեւելքից քաղաքատեղին կարող էր պաշտպանել Կարկառ գետի աջ ափի բարձունքներից մէկի հարթ բացատում տեղադրուած «Շաղոտ» կոչուած գիւղատեղիում նշմարուող հին բնակատեղին (կոօրդինատներն են` N 39˚ 46. 54,8՛ E 46˚ 45.56,5՛; ծ.մ. 1120 մ), որի տեղանքը յարմար է առաջապահ զօրակայանի տեղակայման համար (այն ուղիղ գծով հեռու է Կարկառի միջնաբերդից 2150 մ, ազիմուտ` 80˚):

Գագիկ Սարգսեան, Ալեքսան Յակոբեան, Նորայայտ Կարկառ քաղաքատեղին Արցախում, «Վարձք», 2012, N 5, էջ 52:

Նկարագրություն

Այստեղ բնական աղբիւր է բխում, եւ նրա բարձրադիր կէտից ամբողջովին դիտարկւում է ներքեւում տարածուող Կարկառ քաղաքի սարահարթը: Գիւղատեղիի խոնարհուած եկեղեցու աւերակներում պահպանուել է ԺԲ-ԺԳ դդ. նախշազարդերով խաչքար, բայց չի բացառւում, որ այն նաեւ աւելի վաղ մշակութային շերտ ունի: