Տպարան :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Տպարան 1874 — 1876 թթ․

ՀՀ / Արմավիր / Էջմիածին

Պատմություն

Վաղարշապատի Սբ. Գայանե վանքի տպարան (1874-1876). այս փոքրիկ տպարանը 1874 թ. հիմնադրում է վանահայր Վահան ծ. վարդապետ Բաստամյանցը և երկու տարի հրատարակում «Դպրոց» մանկավարժական ամսագիրն իր խմբագրությամբ: Կատարած աշխատանքների վերաբերյալ զեկուցագրում նա գրում է. «Վանքիս մէջ հաստատեցի տպարան, հրատարակեցի երկու տարի «Դպրոց» ամսագիրը, և պահեցի երկու տարի փոքր ուսումնարան, բայց յետոյ իմ երկարատև բացակայութիւնների պատճառով ստիպվեցայ տպարանը ծախել, ամսագիրը դադրացնել, ուսումնարանը փակել»:

Ուղեւոր Ա., Ուղեւորութիւն, «Սիօն», 1877, էջ 185: Տե՛ս նաև Սմբատյանց Ա., Սուրբ Էջմիածնի միաբանության գրական-կրթական գործունեությունը և Մայր Աթոռի տպարանը, Ս. Էջմիածին, 1973, էջ 115: Վահան ծ. վարդապետ Բաստամյանցը (1842, Թիֆլիս - 1881, Վաղարշապատ) հրապարակախոս, մանկավարժ, եկեղեցական գործիչ է: Բաստամյանց Վ., Նամակ Վաղարշապատից, «Մշակ», 1879, N 63, էջ 1-2: Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 4: