Մելքում Բաբաջանյանի (Մ. Բաբաջանյանի, Մ. Բաբաջանովի) տպարան (1910-1919). Տպարան

Մելքում Բաբաջանյանի (Մ. Բաբաջանյանի, Մ. Բաբաջանովի) տպարան (1910-1919). Տպարան 1910 — 1919 թթ․

ԼՂՀ / Շուշի / Շուշի

Պատմություն

Մելքում Բաբաջանյանի (Մ. Բաբաջանյանի, Մ. Բաբաջանովի) տպարան (1910-1919). այստեղ է տպագրվում գավառական առաջին օրգան «Ղարաբաղ» եռօրյա թերթը. «...Ն. Յարամիշյանի «Ղարաբաղ» թերթը պետք է տպագրվի Մելքոն Բաբաջանյանի տպարանում, որ տեղավորված է Շուշի քաղաքի Թամիրյան փողոցի վրա գտնվող Յաղուբյանի տանը...»: Առաջին համարը լույս է տեսնում 1911 թ. սեպտեմբերի 13-ին: Տպագրվում է մինչև 1912 թ. օգոստոս (ընդամենը 74 համար):

Ավագյան Ս., Նյութեր Ղարաբաղի նախասովետական շրջանի մամուլի պատմությունից, Երևան, 1969, էջ 85:
Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 7:

1917 թ․

Ի դեպ, 1917 թ., երբ հրատարակվում էր «Նեցուկ» թերթը, տպարանն ուներ միայն մեկ աշխատակից. գրաշար-տպագրիչն էր:

Ավագյան Ս., Նյութեր Ղարաբաղի նախասովետական շրջանի մամուլի պատմությունից, Երևան, 1969, էջ 187:
Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 7:

Այդպիսով, իննամյա գործունեության ընթացքում տպարանում լույս են տեսնում 19 գիրք, 10 թերթ:

Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 7:

1895 թ․

Հարկ է նշել, որ 1895 թ.-ից Շուշիում լույս են տեսել նաև խմորատիպ թերթեր և ամսագրեր: Դրանցից էին «Կոկոն» ամսաթերթն Իշխան Միքայելյանի խմբագրությամբ, «Կռունկ» պարբերաթերթը, «Աշակերտ», “Шушинская жизнь”, «Միրաժ», «Պայքար», «Ծիծաղ», «Սրինգ» թերթերը: Ի դեպ, 1913-1917 թթ. «Միրաժ» կազմակերպության համանուն անլեգալ ամսագիրը տպագրվել է շուշեցի Սիմոն Ափյանի տանը, ով այդ մասին գրել է. «Տպարանը մեր տունն էր... թերթը տպագրում էինք խմորատիպ, այսինքն գործ էինք ածում գլիցերին և ժելատին: Թուղթն էլ բարձր որակի էր («Ալեքսանդրյան»): «Միութենականները» շատ են հետևել իմանալու մեր տպարանի տեղը, որպեսզի մատնեն մեզ, բայց մինչև վերջ էլ այդ նրանց չհաջողվեց»:

Ավագյան Ս., Նյութեր Ղարաբաղի նախասովետական շրջանի մամուլի պատմությունից, Երևան, 1969, էջ 133:
Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 7: