Էմին Տեր-Գրիգորյանցի (Է. Տեր-Գրիգորյանցի) Տպարան :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Էմին Տեր-Գրիգորյանցի (Է. Տեր-Գրիգորյանցի) Տպարան 1880 — 1917 թթ․

ՀՀ / Երևան

Պատմություն
1880 թ․

Էմին Տեր-Գրիգորյանցի (Է. Տեր-Գրիգորյանցի) տպարան (1880-1917). Էմին Տեր-Գրիգորյանցը 1880 թ. հիմնադրում է իր սեփական տպարանն իր բնակելի տան կողաշենքում: Ի դեպ, նա` որպես Զաքարիա Հակոբյանցի տպարանի կառավարիչ, 1876 թ. հունվարին պայմանագիր է կնքում, ըստ որի՝ 5 տարվա ընթացքում տպարանատիրոջ մոտ կուտակված իր աշխատավարձի արդյունքում տպարանը պետք է դառնար իր սեփականությունը: Է. Տեր-Գրիգորյանի տպարանի կառավարչի պաշտոնը վարել է նաև Պերճ Պռոշյանը:

Հակոբյան Թ., Երևանի պատմությունը (1879-1917), Երևան, 1963, էջ 445, 453: Է. Տեր-Գրիգորյանի մասին տե՛ս նաև Հովհաննիսյան Հ., Հայ թատրոնի պատմություն (XIX դ.), Երևան, 1996, էջ 428-432: Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 10:

1883 թ․

1883 թ.-ից հրատարակել է «Երևանի հայտարարութիւններ» կիսաերգիծական երկօրյա թերթը, որը մինչև 1886 թ. լույս է տեսել հայերենով, այնուհետև գրաքննության ճնշման հետևանքով 1900-1909 թթ. սկիզբը՝ ռուսերենով (”Эриванские объявления”), 1909 թ. երկրորդ քառորդից մինչև 1917 թ.՝ հայոց և ռուսաց լեզուներով:

Նազարյան Ս., Երևանի պարբերական մամուլը (1880-1917), Երևան, 1986, էջ 81-91: Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 10:

Այս տպարանում հիմնականում լույս են տեսնում տպարանատիրոջ ստեղծագործություններն ու թարգմանությունները և Երևանի Սբ. Գրիգոր Լուսավորիչ եկեղեցու երեցփոխի հաշվետվությունները, ընդհանուր թվով` հայերեն 46, ռուսերեն 5 գիրք և 1 թերթ:

Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 10:

Տեսակը Լուսանկար
Տեսքը արտաքին
Աղբյուրը Սեւ-սպիտակ նեգատիվ

Էմին Տեր-Գրիգորյանցը