Աբրահամ Մ. Մալխասյանի (Մալխասյանցի) Տպարան :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Աբրահամ Մ. Մալխասյանի (Մալխասյանցի) Տպարան 1892 — 1919 թթ․

ՀՀ / Շիրակ / Գյումրի

Պատմություն

Աբրահամ Մ. Մալխասյանի (Մալխասյանցի) տպարան (1892-1919). քաղաքի երկրորդ տպարանի հիմնադիրն է Աբրահամ Մալխասյանը, ով «...մրցակից է դուրս գալիս Սանոյանցին, հետզհետե ընդարձակելով գործը՝ իր չորս որդիների մասնակցությամբ»: 27 տարվա գործունեության ընթացքում այս տպարանը հրատարակում է բազմաբնույթ 53 գիրք (Ղազար Փարպեցի, Արիստակես Լաստիվերտցի, մայրենի լեզվի դասագրքեր, հեքիաթներ, առակներ, ուսումնական տեղեկագրեր և այլն), ինչպես նաև հայ կանանց «Ախուրյան» օրացույց-հանդեսը (1902, խմբ.՝ Նվարդ Ափինյան), «Արև» լրագիրը (1914, խմբ.-հրատ.՝ Գևորգ Խոյյեցյան), «Նոր կեանք» թերթը (1917, Ռուսաստանի սոցիալ-դեմոկրատական կուսակցության Ալեք-պոլի կազմ. օրգան, խմբ. կոլեգիա՝ Բ. Ղարիբջանյան, Գ. Աթարբեկյան, Գ. Հայկունի և այլք) և «Ալեքսանդրապոլի լրաբեր» օրաթերթը (1919, խմբ. կոլեգիա, հրատ.՝ Լ. Մալխասյան):

Լևոնյան Գ., Հայ գիրքը և տպագրության արվեստը, Երևան, 1946, էջ 234: Հայ գիրքը 1851-1900 թվականներին, բազմաթիվ էջերում: Տե՛ս նաև Հայ գիրքը 1901-1920 թվականներին, բազմաթիվ էջերում: Հայ պարբերական մամուլը: Մատենագիտական համահավաք ցուցակ (1794-1980), էջ 55, 100, 111 և 119: Տե՛ս նաև Հայոց պարբերական մամուլը. լիակատար ցուցակ հայ լրագրության սկզբից մինչև մեր օրերը (1794-1934), էջ 39, 78, 88 և 95: Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 13: