Նահանգական կառավարչության Տպարան :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Նահանգական կառավարչության Տպարան

Թուրքիա / Էրզրում / Էրզրում

Պատմություն
1866 թ․

Նահանգական կառավարչության տպարան. Կարինում գործող առաջին տպարանն էր, որտեղ 1866 թ.-ից լույս տեսնող «Էնվարը շարգիյ» միակ թերթի «առաջի և վերջի չորրորդ երեսը տաճկերէն տառերով է, իսկ միջի երկրորդ և երրորդ երեսը հայ տառերով, բայց տաճկերէն լեզուով է...»:

Երիցեան Ա., Մի երես Կարնոյ նորագոյն պատմութիւնից, «Փորձ», 1879, I, էջ 178: Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 16:

1860 թ․

Հայտնի է, որ 1860-ական թվականներին Մկրտիչ վարդապետ Խրիմյանը, մտահոգված Կարինում հայոց տպարան ունենալու խնդրով, այդտեղ գտնվող Գարեգին Սրվանձտյանցից խնդրում է տեղեկանալ «Կարինի տաճկական տպարանի վիճակի մասին, որպեսզի իմանա, թե հնարավո՞ր է արդյոք այն գնել և հայկական տառեր գնել»: Մ. Խրիմյանի այդ ծրագիրը կյանքի չի կոչվում, և Կարինում հայոց տպարան է հիմնադրվում միայն 1908 թ.:

Կոստանդյան Է., Մկրտիչ Խրիմյան. հասարակական-քաղաքական գործունեությունը, Երևան, 2000, էջ 128: Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 16: