Մ. Գրիգորյանցի (Մ. Գրիգորյանի, Մ. Խ. Գրիգորյանի) Տպարան

Մ. Գրիգորյանցի (Մ. Գրիգորյանի, Մ. Խ. Գրիգորյանի) Տպարան 1908 — 1916 թթ․

Վրաստան / Ջավախք / Ախալքալաք / Ախալքալաք

Պատմություն
1908 թ․

Տպարանի գործունեության վերաբերյալ տեղեկությունները սկսվում են 1908 թ.-ից: 1913-1916 թթ. հրատարակվում է Ջավախքի անդրանիկ թերթը համանուն անվամբ: Խմբագիր-հրատարակիչն էր մշակութային գործիչ, գրող և հրապարակախոս Վարդան Շահպարոնյանը: Ի դեպ, թերթի լույսընծայումը նախատեսված էր 1912 թ. վերջերին, սակայն տեխնիկական պատճառով հրատարակվում է 1913 թ. հունվարի 12-ին: Լրագրող Հովհաննես Պիճիկյանը պարզաբանում է թերթի նպատակը. «Մենք անում ենք առաջին փորձը հրատարակելու Ախալքալաքում պարբերական գրական հասարակական օրգան, նւիրւած գաւառի կարիքներին: Ոչ դատարկ սնափառութիւնը, և ոչ թեթևամիտ նմանութիւնը ուրիշներին ստիպեց մեզ սկսել այսպիսի մի ծանր և պատասխանատու գործ: Ինքը բարդացած կեանքը ստեղծում է մի պարբերական օրգանի անհրաժեշտութիւնը...»:

Մաղալեան Վ., Հայ մամուլը եւ գրատպութիւնը Ջաւախքում եւ Մեսխէթում, «Հայրենի Ջաւախք», Պէյրութ, 2002, էջ 208-209: «Ջաւախք», 12.01.1913, թ. 1: Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 18:

Մ. Գրիգորյանի տպարանն իր 9-ամյա գործունեության ընթացքում հրատարակում է 6 գիրք և 1 թերթ: