Կ. Ա. Պարսամյանի «Կաբիրա» Տպարան :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Կ. Ա. Պարսամյանի «Կաբիրա» Տպարան 1913 — 1914 թթ․

Թուրքիա / Սեբաստիա

Պատմություն
1913 թ․

«Հողդար» թերթը 1913 թ. հանձնելով Հայ հեղափոխական դաշնակցությանը՝ Կարապետ Պարսամյանը մեկնում է Կ.Պոլիս և կարճ ժամանակ անց «կը վերադառնայ ուղղակի Եւրոպայէն բերուած երեք մամուլներով: 1913 թ. սեպտեմբեր 9ին կը սկսի գործել: Մեծ մամուլը մէկ քառորդ պաթալ է, բայց շատ կատարեալ (ոտքով փէտալ): Միւս երկուքը թեւով (ձեռքով փէտալ), մէկը միայն քարթ-վիզիթի համար»: Տպարանի գրաշարներն էին նախ «Հողդար»-ի գրաշարներից Մարտիրոս Պեկյանը, ապա Հայկ և Հովակիմ Չուգասզյանները:

Առաքել Ն. Պատրիկ, Պատմագիրք յուշամատեան Սեբաստիոյ եւ գաւառի հայութեան, հ. Ա, Պէյրութ, 1974, էջ 394: Տե՛ս նաև Պարսամեան Կ. Ա., Անոնց յիշատակին, «Հողդար», 1913, N 27, էջ 4: Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 19:

«Կաբիրա» տպարանը գործում է մինչև 1914 թ. տարեվերջ և իր կարճատև գործունեության ընթացքում հրատարակում 6 գիրք: Ի դեպ, Կ. Պարսամյանը նախատեսում է նաև հրատարակել «Կաբիրա» անվամբ թերթ, սակայն նյութական դժվարությունների պատճառով դա տեղի չի ունենում:

Առաքել Ն. Պատրիկ, Պատմագիրք յուշամատեան Սեբաստիոյ եւ գաւառի հայութեան, հ. Ա, Պէյրութ, 1974, էջ 394: Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 19:

1869 — 1913 թթ․

1869-1913 թթ. ընթացքում Սեբաստիայում լույս են տեսնում նաև խմորատիպ թերթեր: Դրանք են` 1869 թ.՝ «Ձայն Սեբաստիոյ» (մեկ համար), «Բատ», 1870 թ.՝ «Մամուլին ձագ», 1890 թ.՝ «Սեւ հողեր», 1905 թ.՝ «Կէտ», 1910 թ.՝ «Նշդրակ» (Ազգ. Արամյան վարժարանի ավարտական դասարանի հրատ.) և 1913 թ.՝ «Աղաւնի» (Արամյան վարժարանի հրատ.):

Հայ պարբերական մամուլը (1794-1980), էջ 35, 36, 60, 84 և 95: Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 19:

Տեսակը Լուսանկար
Տեսքը արտաքին
Աղբյուրը Սեւ-սպիտակ նեգատիվ

Կարապետ Պարսամյան