Ս. Ժամկոչյանի Տպարան :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Ս. Ժամկոչյանի Տպարան 1911 — 1912 թթ․

Թուրքիա / Վան / Վան / Վան

Պատմություն
1911 թ․

Հիմնադրվել է 1911 թ. Երիտասարդ քրիստոնեական ընկերության (ստեղծվել է 1908 թ.) կողմից: Վանում տպարան ունենալու նպատակով նշյալ թվականին այս ընկերության անդամներից Սպիրիդոն Ժամկոչյանը Պոլսից մամուլ և տառեր է բերում: Ընկերությունը մեկ տարի հրատարակում է «Վան-Տոսպ» երկշաբաթաթերթը: Տպարանի և թերթի արտոնատերը և պատասխանատու վարիչն էր Ս. Ժամկոչյանը, որը ստորագրում էր «Սառ» և «Դետ» ծածկանուններով: Խմբագրական կազմում էին նաև Հովհանննես Ավագյանը և Կ. Սիտալը: Ի դեպ, թերթի հիմնական աշխատակիցների թվում հիշվում է բանասեր Խաչատուր Լևոնյանը:

Տէր-Մկրտիչեան Ե., Գանձեր Վասպուրականի, հ. Ա, Պոսթոն, 1967, էջ 629: Ի դեպ, մինչև սեփական տպարան ունենալը Երիտասարդ քրիստոնեական ընկերությունը դ-ր Ըշերի հայերեն գրամեքենայով հրատարակել է իր համանուն օրգանը (նշվ. աշխ., էջ 622: Տե՛ս նաև Մխիթարեան Յ., Մամուլը Վասպուրականի մէջ. 1858-1913, «Աշխատանք», 1913, N 48, 12 հոկտ., էջ 7): Էմմա Աբրահամյան, Տպարանները հայոց հայրենիքում, «Վարձք», 2012, N 6, էջ 21: