Տոլաբաբի խաչ Սրբատեղի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Տոլաբաբի խաչ Սրբատեղի

ՀՀ / Լոռի / Թումանյան / Ջիլիզա

Տեղադրություն

Ջիլիզայից ուղիղ գծով 2 կմ հյուսիս-արևմուտք՝ «Հյունի տախտ» կամ «Երգեն հող» անուններով հայտնի հանդամասում է գտնվում մերձաբնակ գյուղերի բնակիչներին Տոլաբաբի խաչ անվամբ հայտնի սրբատեղին (ծ. մ. 1197 մ, N 41°14՛14.58՛՛; E 044°36՛34.74՛՛):

Սամվել Կարապետյան, Ջիլիզայի պատմական հուշարձանները, Երևան, 2013, էջ 24:

Նկարագրություն

Այստեղ՝ հրվանդանաձև երկարած անտառածածկ լեռնաճյուղի թմբաձև առանձնացած փոքրիկ բարձրության վրա` շրջափակ քարակույտի ներսում, առկա են նորագույն ժամանակներին վերաբերող երկու խաչքարեր: Նրանցից փոքրի վրա կա տարեթիվ, իսկ մեծի վրա՝ երկտող արձանագրություն:

Սամվել Կարապետյան, Ջիլիզայի պատմական հուշարձանները, Երևան, 2013, էջ 24:

Ենթադրելի է, որ սրբացված այս վայրում նախկինում գոյություն է ունեցել ավելի հին մի խաչքար, որը, սակայն, չի պահպանվել: