Հին Ոսկեպար Գյուղատեղի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Հին Ոսկեպար Գյուղատեղի

ՀՀ / Տավուշ / Նոյեմբերյան / Ոսկեպար

Տեղադրություն

Տարածված է եղել ներկայիս համանուն գյուղի դեմ հանդիման` կտրտված տեղանքով հարավահայաց լեռնալանջերին` ծովի մակերևույթից 890-930 մ բարձրության վրա (N 41°04՛39.18՛՛; E 045°02՛27.12՛՛):

Սամվել Կարապետյան, Ոսկեպարի պատմական հուշարձանները, Երևան, 2013, էջ 9:

Նկարագրություն

Առնվազն զարգացած միջնադարից և մինչև 1860-ական թթ. հարատևած բնակավայրից երբեմնի բնակելի շինությունների հետքերը ներկայումս հազիվ են նշմարվում, իսկ ծխական եկեղեցին, որը դեռևս 1890-ական թթ. այցելուին ներկայացել է կիսավեր դրության մեջ («Ընդարձակ աւերակ, Նոր-ին հանդէպ, վտակի ձախ կողմում, որի մէջ կայ կիսաւեր մեծ եկեղեցի և հանգստարան, բաղանիս և փլատակների տակ ծածկուած շէնքեր»), այժմ այն աստիճան է քայքայվել, որ տեղն իսկ մոռացության է մատնվել: