Հյուսիսարևելյան Գերեզմանոց :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Հյուսիսարևելյան Գերեզմանոց

ՀՀ / Տավուշ / Նոյեմբերյան / Ոսկեպար

Տեղադրություն

Գտնվում է գյուղի հյուսիսարևելյան եզրին` մայրուղուն կից` ծովի մակերևույթից 754 մ բարձրության վրա (N 41°04՛24.36՛՛; E 045°04՛00.58՛՛):

Սամվել Կարապետյան, Ոսկեպարի պատմական հուշարձանները, Երևան, 2013, էջ 10:

Պատմություն

Ըստ ամենայնի, սա այն գերեզմանոցն է, որը սկզբնավորվել է առնվազն վաղ միջնադարում և պատկանել Է դարում կառուցված ցարդ կանգուն հայտնի տաճարի շուրջ գոյություն ունեցած Ոսկեպար գյուղին, որը, ինչպես երևում է, հարատևել է մինչև ԺԳ-ԺԴ դդ.: Համենայն դեպս, այդ են փաստում հնավայրում պահպանված գերեզմանական հուշարձանների մնացորդները (մասնավորապես խաչքարերի պատվանդանները): Հնավայրում առկա վերջին թաղումները վերաբերում են 1830-1860-ական թթ.: Դրանք ժամանակաշրջանին բնորոշ ուղղանկյունաձև և գլխավորապես արձանագիր տապանաքարեր են:

Սամվել Կարապետյան, Ոսկեպարի պատմական հուշարձանները, Երևան, 2013, էջ 10-11:

Տեսակը Լուսանկար
Տեսքը հատված
Հեղինակը Սամվել Կարապետյան
Աղբյուրը Գունավոր նեգատիվ
Տարեթիվ 2013 թ․