Կալապան (Կալապաններ) Գյուղատեղի :: ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐ

Կալապան (Կալապաններ) Գյուղատեղի

ՀՀ / Տավուշ / Նոյեմբերյան / Ոսկեպար

Տեղադրություն

Տեղացիներին ավելի Կլապաններ անվամբ հայտնի եկեղեցու և գերեզմանոցի ավերակներով միջնադարյան գյուղատեղին գտնվում է Ոսկեպար գյուղից շուրջ 3,5 կմ հարավ-արևմուտք` համանուն գետի աջ վտակներից մեկը գոյացրած երկու ճյուղերի միջև արևելահայաց դիրքով երկարած լեռնաճյուղի թեքության վրա` անտառափեշին` ծովի մակերևույթից 1045 մ բարձրության վրա (N 41°02՛32.70՛՛; E 045°01՛07.80՛՛):

Սամվել Կարապետյան, Ոսկեպարի պատմական հուշարձանները, Երևան, 2013, էջ 27:

Հուշարձաններ

Գյուղատեղիում փոքրիշատե դեռևս հարատևող միակ շինությունն ավերակ եկեղեցին է, որը համանման միանավ կառույցներից առանձնանում է ավանդատների բացակայության պայմաններում եկեղեցու հիմնական լայնության համեմատ արևելյան ճակատի կարճված առանձնահատկությամբ (արտաքին չափերն են` 10,37 x 5,95 մ):